విజయవాడ దుర్గగుడిలో కరోనా కల్లోలం సృష్టిస్తోంది. దుర్గగుడి సిబ్బందిలో ఇప్పటికే 52 మంది కరోనా భారినపడి వివిధ ఆసుపత్రుల్లో చికిత్స పొందుతున్నారు. కరోనాతో అటెండర్ జమలమ్మ మృతి చెందారు. దీంతో దుర్గగుడి పరిసరాలను శానిటైజ్ చేస్తున్నారు. కరోనా తీవ్రంగా ఉండటంతో భక్తుల రద్దీ కూడా తగ్గింది. అయినా నిర్లక్ష్యం కారణంగా సిబ్బంది కరోనా భారిన పడినట్టు తెలుస్తోంది. భక్తులు సామాజిక దూరం పాటించేలే మార్కింగ్ చేయించారు. ఇక ప్రతి గంటకూ క్యూలైన్లను శుభ్రపరుస్తున్నారు. మాస్కు ఉంటేనే కొండపైకి అనుమతిస్తున్నారు.
కట్టడి చర్యలు ప్రారంభం
దుర్గగుడిలో సిబ్బంది పెద్ద ఎత్తున కరోనా భారిన పడటంతో అధికారులు చర్యలకు ఉపక్రమించారు. భక్తుల రద్దీ తగ్గిపోవడంతో పెద్దగా ఇబ్బంది లేకపోవడంతో, గుడి పరిసరాలు మొత్తం శానిటైజ్ చేసి శుభ్ర పరుస్తున్నారు. ఇక సిబ్బందికి మాస్కులు, శానిటైజర్లు అందజేశారు. భక్తులు సామాజిక దూరం పాటించాలని అధికారులు సూచిస్తున్నారు. ఇక ప్రసాదాల తయారీ ఇప్పటికే నిలిపి వేశారు. కరోనా లక్షణాలు కనిపించిన సిబ్బంది అందరికీ ఆర్టీపీసీఆర్ పరీక్షలు నిర్వహించారు.
Must Read ;- అరెస్టులు, కూల్చివేతలు, కరోనా మరణాలు కప్పిపుచ్చేందుకేనా?
