ఎవరన్నారు.. భారత్ లో ప్రతిభావంతులు లేరని. ఇక్కడ లేనిదల్లా.. మాణిక్యాలను వెతికి పట్టుకుని సానబెట్టే యంత్రాంగమే. ఇక్కడి మట్టిలోని ఓ మాణిక్యం చేస్తున్న విన్యాసాలను చూస్తే.. ఎవరైనా నోరెళ్లబెట్టాల్సిందే! పట్టుమని పదేళ్లు కూడా ఉండవు ఈ బుడతడికి. కానీ, వీడు చేసే విన్యాసాలు చూస్తే మాత్రం.. కొమ్ములు తిరిగిన ఒలింపిక్ విజేతలకు సైతం మతి పోవాల్సిందే! జిమ్నాస్టిక్ విన్యాసాలను అలవోకగా చేస్తూ.. అందరినీ అబ్బురపరుస్తున్నాడు.
Wow 🤩 an Olympic medalist in the making
Is he from Telangana or elsewhere in India? Would love to support this amazing talent https://t.co/tCeatdjxEB
— KTR (@KTRBRS) January 24, 2021
ప్రతిభకు మద్దతివ్వాలి..
ఇంకేముంది మన నెటిజన్లు ఊరుకుంటారా.. నెట్టింట ఈ అబ్బాయి విన్యాసాలను వైరల్గా మార్చేశారు. ఈ వైరల్ వీడియో కాస్త తెలంగాణ రాష్ట్ర మంత్రి కేటీఆర్ కంట్లో పడింది. సోషల్ మీడియాలో యమా యాక్టివ్గా ఉండే మన మంత్రి గారు ఈ వీడియోను తన సోషల్ మీడియా ఖాతాలో పోస్ట్ చేసి ‘ఎవరీ అబ్బాయి’ అంటూ ఆశ్చర్యం వ్యక్తం చేశారు. ‘మరో ఒలంపిక్ మెడలిస్ట్ దొరికాడంటూ కితాబిచ్చాడు. అతను తెలంగాణా వాడా లేక మరో రాష్ట్రమా అంటూ ప్రశ్నించారు. ఎక్కడివాడైనా సరే.. ఇలాంటి ప్రతిభావంతుణ్ని ప్రోత్సహించాలంటూ కేటీఆర్ ట్వీట్ చేశారు.
Also Read: కేటీఆర్ను సీఎం చేసేందుకే.. కేసీఆర్ కాళేశ్వరం వెళ్లారా?
