తిప్ప తీగను అమృతవల్లీ అంటారు. పేరుకు తగ్గట్టే ఇది మరణం లేనిది. ఈ తీగ ఏదైనా వృక్షానికి అల్లుకుంటే దాని మొదలు కోసివేసినా ..అది పెరిగి, పుష్పించి, ఫలిస్తుంది.
ఆయుర్వేద శాస్త్రం.. రకరకాల రసాయనాలు కూడిన మూలికలను తినాలని సూచిస్తున్నది. ఇవి రోగనిరోధక శక్తి పెంచేందుకు బాగా సహాయపడతాయి. అలాంటి మూలికల్లో ముఖ్యమైనది తిప్పతీగ. ఇది శరీరంలోని చాలా తిప్పలను తగ్గిస్తుందట. తిప్పతీగలో అంటువ్యాధులను అధిగమించే సహజ సామర్థ్యం ఉంటుంది. అలాగే పేగుల ఆరోగ్యానికి ఇది చాలామంచింది. పేగుల్లో మంచి, చెడు బ్యాక్టీరియాలను గుర్తించి వాటిని సమతుల్యంగా ఉంచి బలమైన రోగనిరోధక శక్తిని అందిస్తుంది.
ఎన్నో ప్రయోజనాలు
సాధారణంగా పల్లెలలో దొరికే మూలిక తిప్పతీగ. ఇది చెట్లమీదకు పాకి అల్లుకుంటుంది . దీని విశేషమేమిటంటే మనం పీకి వేసినాక కొద్దికాలం ఆగాక మరలా తడితగిలినా బతుకుతుంది .ఆరునెలలైనా తిప్పతీగ మళ్లీ పుడుతుందట. పెద్దలు. ఇలాంటి దివ్యమైన మూలికలు అదృశ్యమవుతున్నాయి. ఎక్కడ బడితే అక్కడ దొరికే ఈమొక్క ఇప్పుడు అంతగా కనిపించటం లేదు.
రోగ నిరోధక శక్తి
తిప్పతీగను తులసిని కలిపి తింటే రోగనిరోధక శక్తి శరీరానికి చేకూరుతుంది. అలాగే స్వైన్ ఫ్లూ వచ్చినా తగ్గించగల దివ్యౌషధమిది. దీనిని కాడను ఒకటిరెండంగుళాల ముక్కను ,పది తులసి ఆకులతో కలిపి పొద్దుటే నమిలి తినాలి. అలా నాలుగైదు రోజులకు ఒకసారి తీసుకోవాలి. వ్యాధిసోకినప్పుడు ఎక్కువమోతాదులో తీసుకోవాలి. అద్భుతంగా పనిచేస్తుంది.
ఆకుల్లోనే కాదు.. కాడల్లోనూ
తిప్పతీగ ఆకుల్ని బాగా నూరి.. గోలీకాయంత ఉండలు చేసి పది రోజులపాటు ఉదయం, సాయంత్రం మింగితే రోగనిరోధక శక్తి బాగా పెరుగుతుందని.. ఆయుర్వేద వైద్యులు ఢంకా భజాయించి మరీ చెబుతున్నారు. అలాగే జ్వరం రాదని, ఒకవేళ వచ్చినా త్వరగా తగ్గడానికి ఉపయోగపడుతుందని అంటున్నారు. తిప్పతీగ ఆకుల్నే మందులుగా తయారుచేసి, ఆయుర్వేద శాఖ ద్వారా కేంద్ర ప్రభుత్వం అందుబాటులోకి తెచ్చింది. తిప్పతీగ ఆకుల్లోనే కాదు.. కాడల్లోనూ వైద్య గుణాలు ఉన్నాయి. కరోనా విరుగుడకు తిప్ప తీగే బెస్ట్ అని సూచిస్తున్నారు. వైరస్ తో ఫైట్ చేసే లక్షణాలు తిప్ప తీగలో ఉన్నాయట. అందుకే కరోనా నివారణకు తిప్ప తీగ బెస్ట్ అని పెద్దలు చెబుతుంటారు.
