అందం ఉండగానే సరిపోదు .. దానిని ఆవిష్కరించడం తెలియాలి. కైపు కళ్లు ఉండగానే సరిపోదు కవ్వించడం తెలియాలి. ఈ రెండూ తెలిసిన కథానాయికగా ప్రియాంక చోప్రా కనిపిస్తుంది. పడుచుదనం ఉండగానే సరిపోదు దానిని పాదరసంలా మార్చేసి .. కుర్రాళ్ల గుండె గనుల్లోకి సర్రున జారిపోవాలి అనే సూత్రాన్నే ఆమె పాటిస్తోంది. అందువల్లనే ఇటు సినిమాలు .. అటు వెబ్ సిరీస్ లు .. ఎడా పెడా చేసేస్తోంది. నటిగానే కాదు నిర్మాతగాను కొత్త ప్రయోగాలు చేసేస్తోంది.
తాజాగా ఆమె యూకే మ్యాగజైన్ ‘ఎల్లే’ కవర్ షూట్ కోసం ఇచ్చిన హాట్ పోజులు, ఇప్పుడు నెట్టింట్లో రగులుకుంటూ సెగలు పుట్టిస్తున్నాయి. ఈ డ్రెస్ లో ఆమె నల్లకలువల మధ్య నుంచి ఉద్భవిస్తున్న శృంగార నాయికల కనిపిస్తోంది. పదునైన చూపుల పగ్గాలు విసిరి పడుచు మనసులను అదుపులోకి తెచ్చుకునే సొగసరిలా అనిపిస్తోంది. ఈ మేగజైన్ కోసం ఇచ్చిన ఇంటర్వ్యూలో ఆమె తన మనోభావాలను స్పష్టం చేసింది. తన మనసులోని మాటను ఎలాంటి మొహమాటం లేకుండా తేల్చిచెప్పింది.
సినిమా .. సీరియల్ .. వెబ్ సిరీస్ ఇలా ఏదైనా నేను సమానమైన ప్రాధాన్యతను ఇస్తాను. ఎందుకంటే ఏదైనా నటించవలసిందే .. సహజత్వం కోసం పాటుపడవలసిందే. అందువలన ఒకదానిని మరో దానితో పోల్చడం .. ఒకదానికంటే మరొకటి తక్కువని చెప్పడం నాకు ఇష్టం ఉండదు. నేను ఎక్కడ ఎలాంటి పాత్ర చేస్తున్నా, ఆ నేపథ్యానికి తగినట్టుగా నన్ను నేను మార్చుకుంటూ ఉంటాను. విదేశీ నేపథ్యంలో సాగే కథల్లో .. పాత్రల్లో నేను అందుకు తగినట్టుగానే కనిపించవలసి ఉంటుంది. నా వ్యక్తిగత జీవితం మాత్రం నా సంస్కృతీ సంప్రదాయాలతోనే ముడిపడి ఉంటుందని చెప్పుకొచ్చింది.
Must Read ;- ఎర్ర బికినీ ఎంత పనిచేసిందబ్బా?
