అందానికి అందం.. అభినయానికి అభినయం. ఈ రెండిటి వల్లనే నిన్నటి తరం దక్షిణాది ప్రేక్షకులకు రమ్యకృష్ణ ఆరాధ్య నాయిక. ఒకప్పటి అగ్ర కథానాయకులందరి సరసన కథానాయికగా మెరిసిన ఆమె.. ఆ తర్వాత స్సెషల్ సాంగ్స్ కే పరిమితమైంది. అయితే బాహుబలి పుణ్యమా అని.. ఇప్పుడు స్పెషల్ పాత్రలు చేసే స్థాయికి చేరుకుంది. అత్యధిక పారితోషికం తీసుకుంటూ.. ప్రత్యేక పాత్రలు చేస్తూ దూసుకుపోతున్న శివగామి .. ఇప్పుడో తమిళ సినిమాలో అందరూ ఆశ్చర్యపోయే స్థాయిలో ఓ బోల్డ్ పాత్రను చేయబోతోంది.
ఇంతకు ముందు ‘సూపర్ డీలక్స్’ అనే తమిళ సినిమాలో .. రమ్యకృష్ణ పోషించిన బోల్డ్ పాత్ర అందరికీ షాకిచ్చింది. పోర్న్ మూవీస్ చూడాలని ఉవ్విళ్ళూరే ఓ కుర్రోడు.. తాను చూసిన ఒక మూవీలోని పాత్రలో తన తల్లి కనిపించడాన్ని జీర్షించుకోలేకపోతాడు. అలా ఎందుకు నటించావని తల్లిని ప్రశ్నిస్తాడు . ఇందులో తల్లి పాత్రలో రమ్యకృష్ణ అత్యంత సహజంగా నటించి .. మంచి పేరు తెచ్చుకుంది.
ఇక ఇప్పుడు రమ్యకృష్ణ నటించబోయే పాత్ర కూడా ఇంచుమించు అలాంటిదే. చిన్న వయసులోనే భర్తను కోల్పోయిన ఓ విధవరాలు.. హార్మోనుల ప్రభావంతో .. తనలోని కోరికల్ని చంపుకోలేక .. తప్పుడు మార్గంలోకి ప్రవేశిస్తుంది. అప్పుడు జరిగే కొన్ని అనూహ్య సంఘటనలు ఆమె జీవితాన్ని అల్లకల్లోలం చేస్తాయి. త్వరలోనే సెట్స్ మీదకు వెళ్ళబోయే పేరు పెట్టని ఈ సినిమా తెలుగులో కూడా విడుదల కాబోతోంది. ఇక ఈ సినిమా కోసం రమ్యకృష్ణ రెట్టింపు పారితోషికం అందుకోబోతోందట. ఆ మేరకు దర్శకుడు ఆమెను ఈ పాత్ర కోసం ఒప్పించాడట. మరి ఈ సినిమాతో శివగామి .. ఏ రేంజ్ లో పేరు తెచ్చుకుంటుందో చూడాలి.
Must Read ;- పారితోషికం ఓ రేంజ్ లో పెంచేసిన బుట్టబొమ్మ
