అలనాడు సముద్రం మీద రామసేతు నిర్మించి .. లంకలోకి ప్రవేశించింది వానరసైన్యం. ఇప్పుడు మహాసముద్రంలాంటి సినీ ఇండస్ట్రీ పై రామ్ సేతు నిర్మించి నిర్మాణ రంగంలోకి ప్రవేశించబోతోంది ఓటీటీ దిగ్గజం అమెజాన్ ప్రైమ్. అదేనండీ.. అమెజాన్ ప్రైమ్ తొలిసారిగా.. బాలీవుడ్ లో అక్షయ్ కుమార్ తో ‘రామ్ సేతు’ అనే సినిమా నిర్మించే కార్యక్రమానికి శ్రీకారం చుట్టింది. ‘పరమాణు’ ఫేమ్ అభిషేక్ శర్మ దీనికి దర్శకుడు. కేప్ ఆఫ్ గుడ్ ఫిల్మ్స్ , అబండంటియా మూవీస్ తో చేతులు కలుపుతున్నట్టు లైకా ప్రొడక్షన్స్ ఇటీవలే ప్రకటించింది. ఇప్పుడు దీనికి అమెజాన్ ప్రైమ్ కో ప్రొడ్యూసింగ్ చేయబోతోంది.
రామాయణ ఇతిహాసానికి రామ్ సేతు మూల స్థంభమని తెలిసిందే. రామేశ్వరం లో దర్శనమిచ్చే ఈ రామ్ సేతు నిర్మాణం వెనుక గల రహస్యాన్ని పరిశోధించడానికి పురావస్తు శాకాధికారి అయిన హీరో అక్షయ్ కుమార్ రంగంలోకి దిగుతాడు. ఈ సినిమా షూటింగ్ మార్చ్ 18న అంటే.. రేపు అయోధ్యలో ప్రారంభం కాబోతోంది. జాక్వెలిన్ ఫెర్నాండేజ్ , సుష్రాత్ బరూచా కథానాయికలుగా నటిస్తున్న రామ్ సేతు సినిమా థియేటర్స్ లో విడుదలైన తర్వాత ఎక్స్ క్లూజివ్ గా అమెజాన్ ప్రైమ్ లో విడుదల కాబోతోంది. నిర్మాణ రంగంలో ఉండే అల్లు అరవింద్.. ఆహా తో ఓటీటీ రంగంలోకి ప్రవేశిస్తే .. ఓటీటీ దిగ్గజమైన అమెజాన్ ప్రైమ్ సినీ రంగంలోకి ప్రవేశించడం బాలీవుడ్ లో హాట్ టాపిక్ అయింది.
Must Read ;- ‘సలార్’ మూవీకి అమెజాన్ ప్రైమ్ మైండ్ బ్లోయింగ్ ఆఫర్
Popular OTT platform @PrimeVideoIN first co-production – #RamSetu – a film which is a bridge between generations past, present and future!@akshaykumar @Asli_Jacqueline @Nushrratt @LycaProductions @vikramix @ShikhaaSharma03#AbhishekSharma #DrChandraprakashDwivedi pic.twitter.com/hA9G1Wjh4f
— BA Raju's Team (@baraju_SuperHit) March 17, 2021
