అమరావతి రాజధాని తరలింపు కేసులపై హైకోర్టులో ఇవాళ విచారణ జరిగింది. ఈ కేసును విచారించిన త్రిసభ్య ధర్మాసనం, తదుపరి విచారణను ఆగష్టు 23కు వాయిదా వేసింది. మే మొదటి వారంలో రాజధానిపై తమకు అనుకూలంగా తీర్పు వస్తుందని ఆశించిన ప్రభుత్వ పెద్దలకు ఇది పెద్ద షాక్ అనే చెప్పవచ్చు. ఎట్టి పరిస్థితుల్లో మే మొదటి వారంలో రాజధాని విశాఖకు తరలిస్తామని మంత్రి బొత్స ప్రకటించారు. ఇవాళ రాజధాని తరలింపు కేసును విచారించిన హైకోర్టు ఆగష్టు 23 తేదీకి వాయిడా వేయడంతో అమరావతి రాజధాని తరలింపునకు బ్రేక్ పడిందని చెప్పవచ్చు.
పది, ఇంటర్ పరీక్షల నిర్వహణపై..
ఇక పది, ఇంటర్ పరీక్షల నిర్వహణపై దాఖలైన పిటీషన్లపై కూడా హైకోర్టు విచారణ జరిపింది. తదుపరి విచారణను జూన్ 2కు వాయిదా వేసింది. దీనిపై రాష్ట్ర ప్రభుత్వం ఇవాళ అఫిడవిట్ దాఖలు చేసింది. ప్రభుత్వం తరఫున ఏజీ వాదనలు విన్న ధర్మాసనం వాటిని రికార్డు చేసింది.
