తూర్పుగోదావరి జిల్లా అనపర్తి టీడీపీ మాజీ ఎమ్మెల్యే నల్లమిల్లి రామకృష్ణా రెడ్డిని పోలీసులు అరెస్ట్ చేశారు. రామకృష్ణారెడ్డికి బావ వరుసయ్యే సత్తిరాజురెడ్డి రెండు నెలల కిందట అనుమానాస్పదంగా మరణించారు. సత్తిరాజురెడ్డి రెండో భార్య రెండు నెలల కిందటే మాజీ ఎమ్మెల్యే రామకృష్ణారెడ్డిపై ఫిర్యాదు చేశారు. రెండు నెలల కిందట కేసు నమోదు చేసిన పోలీసులు ఇవాళ అనపర్తి టీడీపీ మాజీ ఎమ్మెల్యే రామకృష్ణారెడ్డిని అరెస్ట్ చేశారు. ఈ ఘటన అనపర్తిలో తీవ్ర సంచలనం రేపింది. టీడీపీ నేతలపై వైసీపీ నేతలు కక్ష సాధింపు చర్యలకు దిగుతున్నారని టీడీపీ శ్రేణులు పెద్దఎత్తున ఆదోళనకు దిగాయి. ఎలాంటి ఘర్షణలు చోటుచేసుకోకుండా ముందస్తుగా అనపర్తిలో పెద్ద ఎత్తున పోలీసు బలగాలను మోహరించారు.
అనపర్తి వైసీపీ ఎమ్మెల్యేపై అవినీతి ఆరోపణలు
నల్లమిల్లి రామకృష్ణారెడ్డిని అరెస్టు చేసి బిక్కవోలు స్టేషన్కు తరలించారు. గత కొంత కాలంగా అనపర్తి వైసీపీ ఎమ్మెల్యే అవినీతిపై అనపర్తి టీడీపీ మాజీ ఎమ్మెల్యే రామకృష్ణారెడ్డి తీవ్ర ఆరోపణలు చేశారు. గతంలో వీరిద్దరూ సత్యప్రమాణాలు కూడా చేశారు. అనపర్తి ఎమ్మెల్యే, మాజీ ఎమ్మెల్యే మధ్య వివాదాల కారణంగా తప్పుడు కేసులు పెట్టి టీడీపీ నేతలను అరెస్ట్ చేస్తున్నారని టీడీపీ శ్రేణులు ఆరోపిస్తున్నాయి. అనపర్తి టీడీపీ మాజీ ఎమ్మెల్యే రామకృష్ణా రెడ్డి అరెస్టును టీడీపీ సీనియర్ నేతలు తీవ్రంగా ఖండించారు.
Also Read : కత్తి దూసిన నిమ్మగడ్డ.. వేటు షురూ!
