ఈ మధ్య చీటింగ్ కేసులు ఎక్కువవుతున్నాయి. ఇలాంటి వాటిల్లో ముఖ్యంగా ప్రముఖుల పేర్లు వినిపిస్తున్నాయి. ఆర్ధిక వ్యవహారాల నేపథ్యంలోనే ఎక్కువ గా ఈ ఛీటింగ్ కేసులు నమోదు అవుతున్నాయి. ఎవరి దగ్గరో ఎక్కువ మొత్తం లో అప్పు చేయడం.. వాటిని చెల్లించడంలో జాప్యం, ఆ తర్వాత మొత్తానికే ఎసరు పెట్టడం ఎక్కువవుతున్నాయి. ఈ నేపథ్యంలో ఈ రోజు ఇలాంటి ఓ ఛీటింగ్ కేసులో ప్రముఖ యాంకర్ శ్యామల భర్త అరెస్ట్ అవడం గమనార్హం.
యాంకర్ గా ఫేమస్ అయిన శ్యామల ఆ తర్వాత బిగ్ బాస్ లో కూడా పార్టిసిపేట్ చేసిన సంగతి తెలిసిందే. పెళ్ళయిన తర్వాత యాంకరింగ్ కు ఫుల్ స్టాప్ పెట్టిన శ్యామల.. భర్త నరసింహరెడ్డితో..హైద్రాబాద్ లో నివాసముంటోంది. కొన్నేళ్ళ క్రితం అతడు.. కోటి రూపాయలు అప్పు తీసుకొని ఇంతవరకూ చెల్లించకుండా మోసం చేశాడంటూ.. ఓ మహిళ రాయదుర్గం పోలీస్ స్టేషన్ లో పిర్యాదు చేసింది.
2017 నుంచి ఇన్ స్టాల్ మెంట్స్ లో డబ్బులు చెల్లించాడని, ఆ తర్వాత డబ్బులు అడిగితే బెదిరింపులకు పాల్పడ్డాడని మహిళ పేర్కొంది. అంతేకాదు తనని ఆర్ధికంగానే కాకుండా.. లైంగికంగా కూడా వేధించాడని పిర్యాదు చేసింది. ఈ విషయం తెలుసుకున్న పోలీసులు నరసింహారెడ్డితోపాటు రాయబారం నడిపిన మహిళను కూడా అరెస్ట్ కేసి రిమాండ్ కు తరలించారట. ప్రస్తుతం ఈ వార్త.. సోషల్ మీడియాలో హాట్ టాపిక్ అయింది.
Must Read ;-‘పుష్ప’ సెట్లోకి అనసూయ… సోషల్ మీడియాలో పోస్ట్
