అరియానా.. సంచలన దర్శకుడు రామ్ గోపాల్ వర్మని ఇంటర్ వ్యూ చేసి అనతి కాలంలోనే ఫేమస్ అయ్యింది. దీంతో బిగ్ బాస్ షోలో ఎంట్రీ ఇచ్చే లక్కీ ఛాన్స్ దక్కించుకుంది. ఇక బిగ్ బాస్ హౌస్ లో ముక్కుసూటిగా మాట్లాడి అందర్నీ ఆకట్టుకుంది. బిగ్ బాస్ విన్నర్ గా నిలవలేకపోయినా.. అందరి మనసులు గెలుచుకుంది. బిగ్ బాస్ హౌస్ నుంచి బయటకు వచ్చిన తర్వాత టీవీ షోల్లో పలు ఆఫర్స్ అందిపుచ్చుకుంది. అయితే.. అరియానా బిగ్ బాస్ హౌస్ లో ఉన్నప్పుడు ఆమెని గెలిపించడం కోసం రామ్ గోపాల్ వర్మ సోషల్ మీడియాలో ప్రచారం చేసి తన వంతు ప్రయత్నం చేశారు.
ఈ విషయం తెలుసుకున్న అరియానా బిగ్ బాస్ హౌస్ నుంచి బయటకు వచ్చిన తర్వాత వర్మను కలిసి కృతజ్ఞతలు తెలియచేసింది. వర్మను ఇంటర్ వ్యూ చేసి ఫేమస్ అయిన అరియానా తాజాగా రామ్ గోపాల్ వర్మను ఇంటర్ వ్యూ చేసింది. ఇది బోల్డ్ ఇంటర్ వ్యూ కావడం విశేషం. దీనికి సంబంధించిన ప్రోమోలను, పోస్టర్లను విడుదల చేస్తూ ఓ రేంజ్ హైప్ తీసుకొచ్చారు వర్మ. అయితే… రీసెంట్ గా వర్మ పూర్తి స్థాయి ఇంటర్వ్యూను విడుదల చేశారు దీనికి. ప్రేక్షకుల నుండి భిన్నాభిప్రాయాలు వ్యక్తమవుతున్నాయి.
తాజాగా ఈ బోల్డ్ ఇంటర్వ్యూ పై స్పందించింది అరియానా.. రామ్ గోపాల్ వర్మతో అంత సేపు ఇంటర్వ్యూ చేయడమే ఓ పెద్ద టాస్క్ అని.. నాకు ఇది ప్లస్ అవుతుందేమో కానీ ఆయనకు మామూలే అంటూ చెప్పుకొచ్చింది. అందరూ బోల్డ్ ఇంటర్వ్యూ అంటున్నారు కానీ అందులో అంత బోల్డ్ ఏముందో అర్ధం కావడం లేదని చెప్పింది. రామ్ గోపాల్ వర్మ అమ్మాయిలను వేధిస్తుంటారా అని అడిగిత.. నిజంగా ఆయనకు వేధించే అలవాటే ఉంటే గనుక మీటూలో ఆయన పేరు ఎందుకు లేదని ప్రశ్నించింది. ఆయన పై ఎవరైనా ఫిర్యాదు చేశారా..? అని ప్రశ్నించింది.
ఇండస్ట్రీ గురించి అడిగిన ప్రశ్నకు సినిమా ఇండస్ట్రీలో నిలదొక్కుకోవాలంటే.. కాంప్రమైజ్ అవ్వక తప్పదు అంటూ ఇండస్ట్రీ గురించి సంచలన వ్యాఖ్యలు చేసింది. అరియానా. ఇలా అరియానా మాట్లాడడం హాట్ టాపిక్ గా మారింది. ఈ ఫీల్డ్ లో విజయం సాధించాలంటే కోపగించుకోకూడదని.. కోపం వలన సాధించేదేమీ లేదు కాబట్టి కాంప్రమైజ్ అవ్వాల్సిందే అని తెలిపింది. అంతే కాకుండా.. వర్మ గార్ని కామెంట్ చేస్తుంటారు. అసలు ఆయన గురించి ఏం తెలుసు మీకు.. ఆయన ఓ మోడ్రన్ మహర్షి అంటూ రామ్ గోపాల్ వర్మను ఆకాశానికి ఎత్తేసింది అరియానా.
Must Read ;- ఆల్జీబ్రాలో కాదు ఇది అరియానా, ఆర్జీవీల ఎక్స్
