వచ్చే సార్వత్రిక ఎన్నికల్లో ఆంధ్రప్రదేశ్లో సీఎం జగన్మోహన్రెడ్డికి లబ్ధి చేకూర్చేందుకు బీఆర్ఎస్ అధినేత, తెలంగాణ ముఖ్యమంత్రి కేసీఆర్ సరికొత్త వ్యూహానికి తెరతీశారని రాజకీయ వర్గాలు చెబుతున్నాయి. జగన్ తీరుతో తీవ్ర అసహనంతో ఉన్న కాపుల ఓట్లు టీడీపీ-జన సేన వైపు వెళ్లకుండా వారిని చీల్చాలని చూస్తున్నారని అంటున్నారు. అందుకే కాపు సామాజిక వర్గానికి చెందిన కొందరు మాజీ అఖిల భారత సర్వీసు అధికారులు ఆదివారం హైదరాబాద్లో సమావేశమయ్యారు. వీరిలో మాజీ ఐఏఎస్ అధికారి బీఆర్ఎస్ఏపీ అధ్యక్షుడు తోట చంద్రశేఖర్, తమిళనాడు మాజీ సీఎస్ రామ్మోహన్ రావు, రిటైర్డ్ ఐఆర్ఎస్ అధికారులు పీవీ రావు, రంగిశెట్టి మంగబాబు, మాజీ ఐఏఎస్ లక్ష్మీకాంతం, పారిశ్రామికవేత్తలు, రియల్ ఎస్టేట్ వ్యాపారులు, బిల్డర్లతో పాటు మరో 25 మంది ప్రముఖులు ఉన్నారు. మధ్యాహ్న భోజన సమావేశంలో దాదాపు మూడున్నర గంటలకు పైగా చర్చ జరిగినట్లు విశ్వసనీయ వర్గాల సమాచారం. జంటనగరాల్లోని తెలగ, కాపు, ఒంటరి, బలిజ కులస్తులకు భవనం నిర్మించేందుకు ఐదెకరాల స్థలం, రూ.10 కోట్లు మంజూరు చేయాలని రిటైర్డ్ అధికారులు కోరారు. కేసీఆర్ సానుకూలంగా స్పందించి తప్పకుండా ఇస్తానని, భవనాన్ని ప్రారంభించి వారు ఏది అడిగితే అది చేస్తానని హామీ ఇచ్చినట్లు సమాచారం. అయితే తెలంగాణలోని 25 లక్షల మంది మున్నూరు కాపు ఓటర్లు తనకు మద్దతు ఇచ్చేలా చేయాలని ఆయన కోరారు. అనంతరం ఆంధ్రప్రదేశ్ రాజకీయాలపై చర్చ జరిగినట్లు విశ్వసనీయంగా తెలిసింది. జగన్ తరపున ఆయన వారితో చర్చలు జరిపారని రాజకీయ విశ్లేషకులు అంటున్నారు. టీడీపీతో జనసేన కలవక తప్పదని సమాచారం. పవన్ కళ్యాణ్ ఒంటరి పోరాటం చేసేలా ప్రోత్సహించాలి అని ఉసిగొలుపుతున్నారని సమాచారం..
గత వారం హైదరాబాద్లోని ఓ హోటల్లో మేఘాలయకు చెందిన రిటైర్డ్ సీఎస్కేఎం కుమార్ నేతృత్వంలో ‘కాపు ఐకానిక్ గ్రూప్’ సమావేశం జరిగింది. 4 రాష్ట్రాల నుంచి పెద్ద సంఖ్యలో కాపు నేతలు కుటుంబ సమేతంగా తరలివచ్చారు. మున్నూరు కాపుల ఓట్లను దృష్టిలో ఉంచుకుని తెలంగాణ బీజేపీ నేతలు ఈ సమావేశాన్ని ఏర్పాటు చేసినట్లు కేసీఆర్కు తెలిసింది. దీంతో బీఆర్ఎస్ఏ నాయకుడు తోట చంద్రశేఖర్కు ఫోన్ చేసి తెలంగాణ, కాపు, ఒంటరి, బలిజ నేతలను తీసుకురావాలని కోరారు. ఆదివారం వారితో సమావేశమయ్యారు. సాధారణంగా ఆయన ఎవరికీ అపాయింట్మెంట్ ఇవ్వరు. స్వయంగా వారిని పిలిపించి మూడున్నర గంటల పాటు చర్చించారు. తెలంగాణ రాజకీయాలపై కాకుండా ఆంధ్రప్రదేశ్ రాజకీయాలపై ఆయన చాలా సేపు మాట్లాడినట్లు విశ్వసనీయ సమాచారం. రాష్ట్రంలో జనసేన బలపడుతోందన్న వార్తలు వస్తున్నాయని.. ప్రజలు పవన్ కల్యాణ్ సీఎం కావాలని కోరుకుంటున్నారని.. ఇందుకోసం ఒంటరిగా పోటీ చేసేలా ఒత్తిడి చేసి ప్రభావితం చేయాలని సూచించారు. ఏపీలో కాపు ఓట్లను చీల్చడమే కాకుండా బీఆర్ఎస్ బలోపేతం గురించి కాకుండా జగన్కు లాభం చేకూరేలా ఆయన మాట్లాడినట్లు విశ్వసనీయ సమాచారం. కాపుల ఓట్లు ఏకం కాకూడదని.. ఎట్టి పరిస్థితుల్లోనూ టీడీపీ-జన సేన వైపు మొగ్గు చూపవద్దని.. వారి ఓట్లు చీలిపోవాలని ఆయన చెప్పినట్లు తెలిసింది. ప్రతిఫలంగా వారు అడిగిన పని చేసేందుకు సుముఖత వ్యక్తం చేశారు. ఆంధ్రాకు చెందిన కాపు నేతలతో ఆయన నేరుగా సమావేశమవుతున్న సంగతి తెలిసిందే. మూడు రోజుల్లోనే ఉభయ గోదావరి, గుంటూరు జిల్లాల చోటా నేతలను పిలిపించి మాట్లాడారు. ఎట్టి పరిస్థితుల్లోనూ కాపు ఓట్లు చీలక తప్పదని స్పష్టం చేశారు. అయితే వీరిలో ఎవరికీ ప్రజాశక్తి లేదు. రిటైర్డ్ అధికారులు మరియు ఇతర ప్రముఖులు మాత్రమే. త్వ ర లో మరిన్ని జిల్లాల కాపు నేత ల తో కేసీఆర్ స మావేశాలు నిర్వహించనున్నట్లు తెలుస్తోంది..
