మెగాస్టార్ చిరంజీవి రూమ్ మేట్ , మిత్రుడు అయిన సుధాకర్ .. ఒకప్పుడు టాలీవుడ్ లో స్టార్ కమెడియన్. డిఫరెంట్ మాడ్యులేషన్ తో ఆయన పలికే డైలాగ్స్ .. తెలుగు తెరపై నవ్వులు పూయించేవి. చిరు కన్నా ముందే తమిళ ఇండస్ట్రీలో దాదాపు 45 సినిమాల్లో హీరోగా నటించిన ఆయన .. ఆ తర్వాత టాలీవుడ్ లో నటుడిగా రంగ ప్రవేశం చేశారు. అలాగే.. ‘యముడికి మొగుడు’ సినిమాతో నిర్మాతగా కూడా మారారు. చాలా కాలం పాటు సుధాకర్ టాలీవుడ్ లో కమెడియన్ గా చక్రం తిప్పారు. 2010 లో సుధాకర్ అనారోగ్యం కారణంగా 40 రోజలు కోమాలోకి వెళ్ళారు . ఆ తర్వాత తిరిగి కోలుకున్నారు.
ఇప్పుడు ఆయన తనయుడు బెనెడిక్ట్ మైకేల్ ను హీరోగా టాలీవుడ్ కు పరిచయం చేస్తున్నారు. నరేశ్ అనే యువకుడు ఈ సినిమాతో దర్శకుడిగా పరిచయం అవుతున్నాడు. అలాగే.. మరో మూడు సినిమాలు చర్చల దశలో ఉన్నాయి. తన కుమారుడ్ని హీరోగా చూడాలని సుధాకర్ ఎప్పటి నుంచో అనుకుంటున్నారు. ఇన్నాళ్ళకి తన కోరిక నెర వేరుతుండడంతో ఆయన చాలా సంతోషంగా ఉన్నారు. అతి త్వరలో ఈ సినిమాకి సంబంధించిన పూర్తి వివరాలు తెలుస్తాయి. అలాగే.. సినిమాను కూడా గ్రాండ్ గా లాంచ్ చేయబోతున్నారు. మరి మైకైల్ హీరోగా టాలీవుడ్ లో ఎలా నిలదొక్కుకుంటాడో చూడాలి.
Must Read ;- దుశ్యంతుణ్ణి పరిచయం చేసిన అందాల శకుంతల
