ప్రభాస్ వరుసగా చేయనున్న పాన్ ఇండియా సినిమాల్లో, నాగ్ అశ్విన్ ప్రాజెక్టు కూడ ఉండనుందనే విషయం తెలిసిందే. సైన్స్ ఫిక్షన్ .. సోషియో ఫాంటసీ కలయికగా ఈ సినిమా ఉంటుందని ఇంతకుముందే నాగ్ అశ్విన్ చెప్పాడు. ప్రస్తుతం ఆ సినిమాకి సంబంధించిన పనుల్లోనే నాగ్ అశ్విన్ ఉన్నాడు. కథా పరంగా ఈ సినిమాలో ఆర్టిస్టులంతా డిఫరెంట్ లుక్స్ తో .. కాస్ట్యూమ్స్ తో కనిపించ నున్నారు. అందువలన పెద్ద సంఖ్యలో కాస్ట్యూమ్ డిజైనర్లు .. స్టైలిస్టులు .. కాస్ట్యూమ్స్ అసిస్టెంట్లు అవసరం కానున్నారు. అందువలన అలాంటివారు తమని సంప్రదించ వలసిందంటూ వైజంతీ మూవీస్ వారు ఒక అధికారిక ప్రకటన ఇచ్చారు.
నాగ్ అశ్విన్ దర్శకత్వంలో ఇంతకుముందు వచ్చిన ‘మహానటి‘ భారీ విజయాన్ని అందుకుంది. అప్పటి నుంచి ఆయన సైన్స్ ఫిక్షన్ నేపథ్యంతో కూడిన ఒక కథపై కసరత్తు చేస్తూ వచ్చాడు. ప్రభాస్ హీరోగా ఆయన ఆ కథను సెట్స్ పైకి తీసుకెళ్లే దిశగా సన్నాహాలు చేస్తున్నాడు. వైజయంతీ మూవీస్ బ్యానర్లో అత్యంత భారీ బడ్జెట్ చిత్రంగా ఈ సినిమా నిర్మితం కానుంది. ఈ బ్యానర్లో ఈ స్థాయి ఖర్చుతో నిర్మితమవుతున్న సినిమా ఇదేనని అంటున్నారు. పాన్ ఇండియా మూవీ కావడంతో, ఆయా భాషలకి చెందిన స్టార్లను తీసుకోనున్నారు. ఒక వైపున వాళ్లతో సంప్రదింపులు జరుగుతూనే ఉన్నాయి.
ప్రస్తుతం ప్రభాస్ .. ఒక వైపున ‘రాధేశ్యామ్‘ షూటింగును పూర్తిచేస్తూనే, మరో వైపున ‘సలార్’ సినిమా షూటింగులోను పాల్గొంటున్నాడు. ఆ తరువాత ఆయన ‘ఆదిపురుష్‘ షూటింగులో జాయిన్ కానున్నాడు. ఈ సినిమాలో ఆయన రాముడిగా కనిపించనున్నాడు. ప్రభాస్ చేస్తున్న తొలి పౌరాణిక చిత్రం కావడంతో అంతా కూడా ఈ సినిమాపై దృష్టిపెట్టారు. ఈ సినిమా షూటింగు పూర్తయిన తరువాత, నాగ్ అశ్విన్ ప్రాజెక్టు పట్టాలెక్కనుంది. ఈ సినిమాతో నాగ్ అశ్విన్ అద్భుతాలు చేయనున్నట్టు తెలుస్తోంది.
Must Read ;- ప్రభాస్ సైన్స్ ఫిక్షన్ మూవీ అప్డేట్ అప్పటి నుంచే!
Crew Call for #PrabhasNagAshwin 's Film#Prabhas @nagashwin7 @SrBachchan @deepikapadukone @AshwiniDuttCh @SwapnaDuttCh @VyjayanthiFilms pic.twitter.com/MI5ZFP6pnY
— BA Raju's Team (@baraju_SuperHit) February 22, 2021
