‘బేబి’గా వైష్ణవి చైతన్య విశ్వరూపం ఎలా ఉందో చూశాం. ఆ సినిమా వసూళ్లు ఏ స్థాయిలో, ఆ సినిమా ఎంత పెద్ద హిట్టో ప్రత్యేకంగా చెప్పనవసరం లేదు. దాదాపు 100 కోట్లు వసూలు చేసిన సినిమా అది. మళ్లీ ఆ కాంబినేషన్ రిపీట్ అయితే ఎలా ఉంటుందో ప్రత్యేకంగా చెప్పనవసరం లేదు.ఆనంద్ దేవరకొండ, వైష్ణవి జంటగా రవి నంబూరి దర్శకత్వంలో ఈ సినిమా తెరకెక్కబోతోంది. “కలర్ ఫొటో”తో నేషనల్ అవార్డ్ గెల్చుకున్న బ్యానర్ అమృతా ప్రొడక్షన్స్, మాస్ మూవీ మేకర్స్ సంయుక్తంగా ఈ సినిమాని నిర్మిస్తున్నాయి.
బేబి సినిమాను యూత్ ఫుల్ ఎమోషనల్ ఎంటర్ టైనర్ గా రూపొందించి మెగాస్టార్ చిరంజీవి నుంచి సాధారణ ప్రేక్షకుల దాకా అందరి ప్రశంసలు అందుకున్న దర్శకుడు సాయి రాజేశ్ ఈ చిత్రానికి కథ స్క్రీన్ ప్లే,మాటలు అందిస్తున్నారు. ఈ సినిమాకు ఎస్ కేఎన్ తో కలిసి సాయి రాజేష్ ప్రొడ్యూసర్ గానూ వ్యవహరిస్తున్నారు.నూతన దర్శకుడు రవి నంబూరి ఈ సినిమాకు దర్శకత్వం వహించనున్నారు. ప్రస్తుతం ప్రీ ప్రొడక్షన్ పనుల్లో ఉన్న ఈ సినిమా త్వరలోనే సెట్స్ మీదకు వెళ్లనుంది.
వచ్చే సమ్మర్ లో థియేటర్స్ ద్వారా గ్రాండ్ గా రిలీజ్ చేసేందుకు ప్లాన్ చేస్తున్నారు. ఈ సినిమాకు సంబంధించిన మరిన్ని వివరాలు త్వరలో వెల్లడించనున్నారు. ఎస్.కే.ఎన్, సాయి రాజేష్ కలిసి ఈ చిత్రాన్ని నిర్మిస్తున్నారు. విజయ్ బుల్గానిన్ సంగీతం సమకూరుస్తున్నారు. ధీరజ్ మొగిలినేని సహనిర్మాత. జీఎస్ కే మీడియా,వంశీ కాక ఈ సినిమాకి పీఆర్వోలు. బేబితో యూత్ లో క్రేజ్ సంపాదించుకున్న వైష్ణవిని ఈ సినిమా ఏ స్థాయికి తీసుకెళ్లబోతుందో చూడాలి.
