టాలీవుడ్ టాప్ ప్రొడ్యూసర్ దిల్ రాజు ఇప్పటి వరకు ఎన్నో సక్సస్ ఫుల్ మూవీస్ అందించారు. ప్రేమకథలు, కుటుంబ కథా చిత్రాలు, యూత్ ఫుల్ మూవీస్.. ఇలా విభిన్న కథా చిత్రాలను అందించారు. ప్రేక్షకులను మెప్పించారు. అందుకనే.. దిల్ రాజు బ్యానర్ నుంచి సినిమా వస్తుంది అంటే అందులో మంచి కంటెంట్ ఉంటుంది అనే నమ్మకాన్ని సంపాదించుకున్నారు. ఆ నమ్మకానికి తగ్గట్టుగానే సినిమాలను నిర్మిస్తూ… ఉత్తమాభిరుచి గల నిర్మాత అనిపించుకున్నారు దిల్ రాజు. ఇటీవల దిల్ రాజు 50వ పుట్టినరోజు జరుపుకున్న విషయం తెలిసిందే.
అసలు విషయానికి వస్తే.. దిల్ రాజు ప్రస్తుతం పవన్ కళ్యాణ్ తో వకీల్ సాబ్ మూవీని నిర్మిస్తున్నారు. ఈ చిత్రానికి వేణుశ్రీరామ్ దర్శకత్వం వహిస్తున్నారు. బాలీవుడ్ పింక్ రీమేక్ గా రూపొందుతోన్న ఈ సినిమా ఈ రోజు షూటింగ్ జరుపుకుంది. ఈ సినిమాతో పాటు దిల్ రాజు నిర్మిస్తున్న మరో సినిమా ఎఫ్ 3. ఇందులో వెంకీ – వరుణ్‌ తేజ్ నటిస్తున్నారు. సక్సస్ ఫుల్ డైరెక్టర్ అనిల్ రావిపూడి ఈ చిత్రానికి దర్శకత్వం వహిస్తున్నారు. ఈ మూవీ షూటింగ్ హైదరాబాద్ లో జరుగుతుంది. ఈ రోజు ఈ సినిమా షూటింగ్ లో వెంకీ జాయిన్ అయ్యారు.
వకీల్ సాబ్, ఎఫ్ 3 సినిమాలతో పాటు నాగచైతన్య నటిస్తున్న థ్యాంక్యూ మూవీని కూడా దిల్ రాజు నిర్మిస్తున్నారు. ఈ చిత్రానికి విక్రమ్ కె కుమార్ దర్శకత్వం వహిస్తున్నారు. ఈ సినిమా కూడా హైదరాబాద్ లో షూటింగ్ జరుపుకుంటోంది. అలాగే పాగల్, హుషారు మూవీ డైరెక్టర్ హర్ష తెరకెక్కిస్తున్న మూవీని కూడా దిల్ రాజు నిర్మిస్తున్నారు. ఇలా మొత్తం ఐదు సినిమాలను దిల్ రాజు నిర్మిస్తున్నారు. ఈ ఐదు సినిమాలు ఒకే రోజు షూటింగ్ జరుపుకోవడం విశేషం. ఈ ఐదు సినిమాలు వచ్చే సంవత్సరం ప్రేక్షకుల ముందుకు రానున్నాయి.
