టాలీవుడ్ లో వైవిధ్యమైన చిత్రాలు తెరకెక్కించడంలో తన ప్రత్యేతను చాటుకున్నాడు దర్శకుడు హను రాఘవపూడి. ‘అందాల రాక్షసి, కృష్ణగాడి వీరప్రేమగాథ, లై, పడిపడిలేచె మనసు’ చిత్రాలన్నీ డిఫరెంట్ బ్యాక్ డ్రాప్ లో రూపొందించిన లవ్ స్టోరీసే . అయితే ఇప్పుడు కొత్తగా .. లవ్ స్టోరీకి వార్ బ్యాక్ డ్రాప్ ను యాడ్ చేస్తున్నాడు హను.
అతడి లేటెస్ట్ మూవీని మలయాళ యాంగ్ సూపర్ స్టార్ దుల్కర్ సల్మాన్ తో రూపొందిస్తున్న సంగతి తెలిసిందే. దీనికి ‘యుద్దంతో రాసిన ప్రేమ కథ’ అనే టైటిల్ ను కూడా రిజిస్టర్ చేశారు. చాలా రోజులు క్రితమే ఈ సినిమా అనౌన్స్ మెంట్ జరిగింది. యుద్ధంలో పాల్గొనే ఓ సైనికుడు ప్రేమికుడిగా మారితే ఎలా ఉంటుంది అనే ఆలోచనతో హను రాఘవపూడి ఈ సినిమాను తెరకెక్కిస్తున్నాడు. ఇందులో రామ్ గా దుల్కర్ నటిస్తున్నాడు.
నేడు శ్రీరామ నవమి సందర్భంగా ఈ సినిమాకి సంబందించిన ఓ పోస్టర్ ను దుల్కర్ సల్మాన్ సిలౌట్ లో రివీలయ్యే ఓ మోషన్ పోస్టర్ ను విడుదల చేశారు మేకర్స్. ప్రస్తుతం దుల్కర్ సల్మాన్ లుక్ కు సోషల్ మీడియాలో మంచి రెస్పాన్స్ వచ్చింది. దుల్కర్ మిలటరీ దుస్తుల నుంచి సిలైట్ రూపంలోకి మారిన ఈ వీడియో ఆకట్టుకుంటోంది. వైజయంతి మూవీస్ బ్యానర్ పై స్వప్నా దత్ ఈ సినిమాను నిర్మిస్తోంది. మహానటితో తెలుగు వారికి బాగా దగ్గరైన దుల్కర్ ..ఈ సినిమాతో ఏ రేంజ్ హిట్ అందుకుంటాడో చూడాలి.
Must Read ;- తమిళ పాట పాడిన మలయాళ యంగ్ సూపర్ స్టార్
