యంగ్ హీరో నితిన్ ప్రధాన పాత్రలో .. మేర్లపాక గాంధీ దర్శకత్వంలో రూపొందుతోన్న క్రైమ్ థ్రిల్లర్ ‘మాస్ట్రో’. బాలీవుడ్ సూపర్ హిట్ మూవీ అంధాధున్ రీమేక్ గా వస్తోన్న ఈ సినిమాలో నితిన్ అంధుడిగా నటిస్తున్నాడు. ఇక హిందీలో టబు చేసిన పాత్రను తెలుగులో తమన్నా చేస్తుండగా.. కథనాయికగా నభా నటేష్ నటిస్తోంది. ఒరిజినల్ వెర్షన్ కు స్వల్ప మార్పులతో రూపొందుతోన్న ‘మాస్ట్రో’ మూవీ జూన్ 11న ప్రపంచ వ్యాప్తంగా విడుదల కాబోతోంది. శ్రేష్ఠ మూవీస్ బ్యానర్ లో సుదర్శనరెడ్డి నిర్మాణంలో రూపొందుతోన్న ఈ సినిమా.. ఫస్ట్ గ్లింప్స్ వీడియో ను నితిన్ బర్త్ డే సందర్భంగా విడుదల చేశారు మేకర్స్. ప్రస్తుతం ఈ వీడియో సోషల్ మీడియాలో వైరల్ గా మారింది.
నితిన్ గుడ్డి వాడి గెటప్ లో పియానో వాయిస్తూ రివీల్ అయ్యాడు. ఇంతలో ఒక పిల్లి.. పియానో మెట్ల మీద కాలువేస్తుంది. అది భయంకరమైన సౌండిస్తుంది. ఆ వెంటనే.. నితిన్ .. తలను నీళ్ళలో ఎవరో ముంచుతున్న షాట్ పడుతుంది. అందులో నితిన్ కళ్ళు తెల్లగుడ్డుతో రివీలవుతాయి. మణిశర్మ తనయుడు మహతి స్వరసాగర్ సంగీతం ఆకట్టుకుంటోంది. ఈ వీడియ్ చూస్తుంటే.. నితిన్ భీష్మ తర్వాత ఆ రేంజ్ లో మళ్ళీ హిట్ కొట్టేది మాస్ట్రో తోనే అనిపిస్తోంది. మరి మాస్ట్రోగా నితిన్ ఏ రేంజ్ పెర్ఫార్మెన్స్ ఇస్తాడో చూడాలి.
Must Read ;- బ్లైండ్ నితిన్ మూవీ విడుదల ప్రీ పోన్ అయిందా?
