బ్లాక్ బస్టర్ డైరెక్టర్ అనిల్ రావిపూడి సమర్పణలో రూపొందిన చిత్రం గాలి సంపత్. ఈ చిత్రంలో యంగ్ హీరో శ్రీ విష్ణు, నటకిరీటి రాజేంద్ర ప్రసాద్ ప్రధాన పాత్రలు పోషించారు. ఈ చిత్రానికి అలా ఎలా ఫేమ్ అనీష్ కృష్ణ దర్శకత్వం వహించారు.ఈ చిత్రానికి అనిల్ రావిపూడి సమర్పిస్తూ.. స్ర్కీన్ ప్లే – డైలాగ్స్ దర్శకత్వ పర్యవేక్షణ చేయడం విశేషం. షైన్ స్క్రీన్స్ మరియు ఇమేజ్ స్పార్క్ ఎంటర్టైన్మెంట్ బ్యానర్స్ పై సాహు గారపాటి – హరీష్ పెద్ది – ఎస్. క్రిష్ణ సంముక్తంగా ఈ చిత్రాన్ని నిర్మించారు. ఈ చిత్రాన్ని శివరాత్రి కానుకగా మార్చి 11న రిలీజ్ చేయడానికి ప్లాన్ చేస్తున్నారు.
ఈ సందర్భంగా ట్రైలర్ ని రిలీజ్ చేశారు. దర్శకధీరుడు రాజమౌళి ఈ ట్రైలర్ ని రిలీజ్ చేసి చిత్ర యూనిట్ కి విషెస్ అందించారు. ఇక ట్రైలర్ విషయానికి వస్తే.. పిల్లలు తప్పు చేస్తే తల్లిదండ్రులు చాలా ఓపికగా ఆ తప్పులను కరెక్ట్ చేస్తారు. అదేంటో కాస్త మీసాలు వచ్చేసరికి పెద్దోళ్ళు ఏమి చేసినా ఊరికే చిరాకులొచ్చేస్తాయి.. కోపాలు వచ్చేస్తాయి.. నేను కూడా మా నాన్నని కాస్త ఓపికగా ప్రేమగా అడగాల్సింది’ అంటూ హీరో శ్రీవిష్ణు చెప్పడంతో ఈ ట్రైలర్ స్టార్ట్ అవుతుంది. సంపత్ పాత్రను రాజేంద్రప్రసాద్ పోషించారు. ఇతనికి మాటలు రావు. అందుచేత గాలి ద్వారా ఫిఫీ భాష మాట్లాడటం వల్ల అతన్ని గాలి సంపత్ అని పిలుస్తుంటారు.
Must Read ;- బాలయ్యతో అనిల్ సినిమా .. నిజమేనా?
ఇతని కొడుకే హీరో శ్రీ విష్ణు. తండ్రీ కొడుకుల మధ్య గొడవ రావడం.. ఇంట్లోంచి తండ్రి వెళ్లిపోవడం.. అనుకోకుండా బావిలో పడిపోవడం.. తండ్రి కోసం కొడుకు వెతకడం.. చివరికి తండ్రిని కొడుకు కలుసుకున్నాడా..? లేదా..? అనేది మిగతా కథ అని తెలుస్తుంది. ఇందులో కడుపుబ్బా నవ్వించే ఎంటర్ టైన్మెంట్ తో పాటు కంటనీరు పెట్టించే ఎమోషన్ కూడా ఉంది. ఒక్క మాటలో చెప్పాలంటే.. గాలి సంపత్ అందరికీ బాగా కనెక్ట్ అవ్వడం ఖాయం అనిపిస్తుంది. మరి.. మార్చి 11న గాలి సంపత్ ఎంత వరకు ఆకట్టుకుంటాడో చూడాలి.
