హైదరాబాద్ ఘట్ కేసర్ ప్రాంతంలో.. తనను ఆటోవాళ్లు కిడ్నాప్ చేశారంటూ నాటకమాడిన యువతి ఆత్మహత్యకు పాల్పడింది. షుగర్‌ ట్యాబెట్లు మింగి ఆత్మహత్య చేసుకున్నట్లు సమాచారం. బీఫార్మసీ చదువుతున్న ఓ యువతి స్నేహితులతో బయటకు వెళ్లి.. ఇంటికి తిరిగి రావడం ఆలస్యం అయింది. పైగా తల్లి వద్ద నుంచి పదే పదే ఫోన్లు వస్తుండడంతో.. ఏం చెప్పాలో తెలియక తనను ఆటో వాళ్లు కిడ్నాప్ చేసినట్లు తప్పుడు సమాచారం ఇవ్వడంతో.. తల్లి పోలీసులకు తెలిపింది. అప్రమత్తమైన పోలీసులు.. ఆమె ఫోన్‌ సిగ్నల్స్‌ ఆధారంగా చేసుకుని ఆమెని గుర్తించి ఆసుపత్రికి తరలించారు.
తదుపరి విచారణలో అసులు నిజాలు బయటపడ్డాయి. యువతి చెప్పిందంతా అబద్దమని తేలింది. దీనిపై మీడియాలో కూడా పలు కథనాలు ప్రసారమయ్యాయి. యువతి పేరు, సమాచారం మాత్రం బయటకు రాకుండా పోలీసులు జాగ్రత్తలు తీసుకున్నారు. కానీ, దీనిపై జరిగిన ప్రచారం కారణంగా మనస్తాపం చెంది ఆత్మహత్యకు పాల్పండిందనే అనుమానాలు వ్యక్తమవుతున్నాయి.
Must Read ;- అత్యాచారం కట్టు కథేనా..?.. అసలు విషయం రాబట్టిన పోలీసులు
