పెరుగు ప్రయోజనాలివే : తెలిస్తే… తినకుండ ఉండలేరు!

పెరుగుతో అన్నం తినకపోతే అసలు భోజనం చేసినట్లే అనిపించదు. అందుకే చాలామంది రోజుకి పూటనైనా పెరుగు తినడానికి ఇష్టం చూపుతారు. ప్రతి రోజూ తీసుకునే ఆహారంలో పెరుగు దివ్యౌషధంలా పనిచేస్తుంది. బరువు తగ్గాలనో, నిద్ర వస్తుందనో కొంతమంది తినడం మానేస్తున్నారు. రోజూ పెరుగు తీసుకుంటే శరీరంలో వ్యాధినిరోధక శక్తి పెరుగుతుంది.

నిల్వ చేసినది వద్దు
పెరుగును కొన్ని రోజుల నిల్వ చేసి తర్వాత తినడం అంత మంచిది కాదు, అలాంటి పెరుగులో మంచి బ్యాక్టీరియా నాణ్యత తగ్గిపోతుంది. కాబట్టి వీలైనంత వరకు తాజా పెరుగునే తినాలి. జీర్ణశక్తికి అవసరం అయ్యే ప్రోటీన్స్ ను అందిస్తుంది. దాంతో జీర్ణం అవుతుంది. వ్యాధినిరోధకత కూడా పెరుగుతుంది.

ఆకలిని తగ్గిస్తుంది

రెగ్యులర్ డైట్ లో పెరుగు చేర్చుకోవడం వల్ల ఇతర ఆహారాల మీద కోరికలు కలగకుండా, ఆకలి కానివ్వకుండా చేస్తుంది. అనారోగ్యకరమైన ఆహారాలు తీసుకోకుండా కంట్రోల్ చేస్తుంది . పెరుగు తినడం వల్ల పొట్ట నిండుగా ఉన్న ఫీలింగ్ కలుగుతుంది. పురుషుల్లో వీర్యం యొక్క నాణ్యత పెంచుతుంది. వీర్యం ఉత్పత్తి అయ్యేందుకు సహాయపడుతుంది.

పొట్టపై ప్రభావం

ఊబకాయంతో బాధపడేవాళ్లలో హార్మోనుల అసమతుల్యత ఉంటుంది, అలాంటివాళ్లు పెరుగు తీసుకోవడం వల్ల కార్టిసోల్ లెవల్స్ కంట్రోల్ అవుతుంది . దాంతో ఫ్యాట్ పై ప్రభావం చూపి, బెల్లి తగ్గుతుంది. ఆకలి తగ్గించి, జీవక్రియలను చురుగ్గా మార్చుతుంది.

పోషకాలు పుష్కలం

శరీరానికి అవసరం అయ్యే ప్రతి పోషకాలను పెరుగులో పొందవచ్చు. ముఖ్యంగా పెరుగులో క్యాల్షియం అధిక మొత్తంలో ఉంటుంది. క్యాల్షియం మన శరీరానికి ఎంతో ఉపయోగం అయిందని చెప్పవచ్చు. ఎముకలు, దంతాలు పటిష్టంగా ఉండటం కోసం క్యాల్షియం ఎంతో అవసరం. పెరుగులో క్యాల్షియంతోపాటు విటమిన్లను కూడా కలిగి ఉంటుంది. పొటాషియం మెగ్నీషియం రక్త ప్రసరణ వ్యవస్థను మెరుగు పరచడంలో దోహదపడుతుంది. పెరుగులో విటమిన్ డి కూడా పుష్కలంగా లభించడం వల్ల ఎముకలు దృఢంగా పెరగడానికి విటమిన్-డి సహకరిస్తుంది.

ఆవు పెరుగు బెస్ట్

ఆవు పాలతో పోల్చినప్పుడు గేదె పాలలో ఫ్యాట్ కంటెంట్, ప్రోటీన్స్ అధికంగా ఉంటాయి. అందుకే గేదె పాలతో తయారుచేసిన పెరుగును తినడం వల్ల జీర్ణం కాదట. పెద్దవాళ్లకు ఇబ్బందులను కలిగిస్తాయి. గేదె పాలతో తయారుచేసిన పెరుగు కంటే ఆవు పాలతో తయారుచేసిన పెరుగును తినమని చెప్తున్నారు చాలామంది.

Also Read:ఆరోగ్యానికి వెరీ‘గుడ్డు’ : ప్రతిరోజు గుడ్డు తింటే;