షాక్ లో రాజమౌళి – సంతోషంలో అభిమానులు

నందమూరి హీరో తారక్ – మెగా హీరో రామ్ చరణ్‌ – దర్శకధీరుడు రాజమౌళి కాంబినేషన్ లో రూపొందుతోన్న ప్రతిష్టాత్మక చిత్రం ఆర్.ఆర్.ఆర్. ప్రస్తుతం ఈ సినిమా క్లైమాక్స్ షూటింగ్ జరుపుకుంటోంది. ఇందులో బాలీవుడ్ హీరోయిన్ అలియాభట్ – హాలీవుడ్ హీరోయిన్ ఓలివియా మోరీన్ నటిస్తున్నారు. రిపబ్లిక్ డే సందర్భంగా ఈ నెల 26న ఈ మూవీ టీజర్ రిలీజ్ చేస్తారని వార్తలు వస్తుండడంతో అభిమానులు ఎప్పుడెప్పుడు ఈ టీజర్ వస్తుందా అని ఎదురు చూస్తున్నారు.

ఇదిలా ఉంటే.. ఈ చిత్రంలో నటిస్తున్న హాలీవుడ్ హీరోయిన్ ఓలివియా మోరీన్ దర్శకధీరుడు రాజమౌళికి షాక్ ఇచ్చింది. ఇంతకీ ఏం చేసిందంటే.. ఆర్.ఆర్.ఆర్ మూవీ రిలీజ్ డేట్ ఇదే అంటూ రిలీజ్ డేట్ ను ట్విట్టర్ లో ఎనౌన్స్ చేసింది. దీంతో జక్కన్నతో పాటు ఆర్.ఆర్.ఆర్ చిత్ర యూనిట్ షాక్ అయ్యారని సమాచారం. ఇంతకీ రిలీజ్ ఎప్పుడని ప్రకటించిందంటే.. ఆక్టోబర్ 8న ఆర్.ఆర్.ఆర్ రిలీజ్ అని పోస్ట్ చేసింది.

అయితే.. మూవీ రిలీజ్ డేట్ ఎనౌన్స్ చేసి తను చేసిన పొరపాటును వెంటనే గుర్తించిందో లేక ఆర్.ఆర్.ఆర్ టీమ్ చెప్పారో కానీ.. ఆతర్వాత ఆ పోస్ట్ ను డిలీట్ చేసింది. ఈవిధంగా ఆర్.ఆర్.ఆర్ రిలీజ్ డేట్ బయటకు వచ్చింది. ఈ హాలీవుడ్ యాక్టర్ చేసిన పనికి రాజమౌళి షాక్ అయితే.. అభిమానులు మాత్రం విడుదల తేదీ ఎప్పుడో తెలియడంతో సంతోషంగా ఫీలవుతున్నారు. మరి.. రాజమౌళి ఈ డేట్ కే ఆర్.ఆర్.ఆర్ రిలీజ్ చేస్తారో..? లేక డేట్ మారుస్తారో.? చూడాలి.

Must Read ;- క్లైమాక్స్ చిత్రీకరణలో రాజమౌళి ట్రిపుల్ ఆర్