జూనియర్ ఎన్టీఆర్ కు కోవిడ్ పాజిటివ్

జూనియర్ ఎన్టీఆర్ కు కరోనా పాజిటివ్ వచ్చింది. ఆయన ట్విట్టర్ ద్వారా ఈ విషయాన్ని ధ్రువీకరించారు. కరోనా బారిన పడకుండా హీరోలు జాగ్రత్తగానే ఉన్నా ఈ కేసులు బయటపడుతూనే ఉన్నాయి. ‘నేను కోవిడ్ 19 పరీక్షలు చేయించాను.. పాజిటివ్ వచ్చింది. బాధపడకండి.. నేను బాగానే ఉన్నాను.

నేనూ, నా కుటుంబం హోం ఐసోలేషన్ లో ఉన్నాం. వైద్యుల పర్యవేక్షణలో అన్ని జాగ్రత్తలూ తీసుకుంటున్నాం. గత కొన్ని రోజులుగా నన్ను కలిసిన వారు కూడా కోవిడ్ పరీక్షలు చేయించుకోవాలని కోరుతున్నా. అందరూ జాగ్రత్తగా ఉండండి’ అంటూ ఎన్టీఆర్ ట్వీట్ చేశారు.

సినీ ప్రముఖుల్ని కరోనా వణికిస్తోంది. వారు ఎన్ని జాగ్రత్తలు తీసుకుంటున్నా కరోనా వదలడం లేదు. ఇటీవల పవన్ కళ్యాణ్, అల్లు అర్జున్, శిల్పాశెట్టి, కంగనా రనౌత్ తదితరులంతా తమకు కోవిడ్ పాజిటివ్ వచ్చినట్టు ప్రకటించారు. మరికొందరు తమకు కోవిడ్ వచ్చినా బయటికి వెల్లడించకుండా హోం ఐసోలేషన్ లో ఉంటున్నారు. హీరో ప్రభాస్ టీమ్ లో ఒకరికి కరోనా రావడంతో ఆయన కూడా ఐసోలేషన్ లో ఉన్నట్టు తెలిసింది.

I’ve tested positive for Covid19. Plz don’t worry,I’m doing absolutely fine. My family & I have isolated ourselves & we’re following all protocols under the supervision of doctors. I request those who’ve come into contact with me over the last few days to pl get tested. Stay safe

— Jr NTR (@tarak9999) May 10, 2021