నందమూరి కళ్యాణ్ రామ్ ‘కత్తి’ సినిమాలో సనా ఖాన్ హీరోయిన్ గా నటించిన సంగతి తెలిసిందే. ఆ సినిమా ఫ్లాప్ అయినప్పటికీ సనాఖాన్ గ్లామర్ కు మంచి మార్కులు పడ్డాయి. ఆ తర్వాత ఈ బ్యూటీ ‘గగనం’, ‘మిస్టర్ నూకయ్య’ లాంటి సినిమాల్లో నటించింది కానీ ఆ తర్వాత అంతగా క్లిక్ అవలేకపోయింది. ఆపై తమిళ్, హిందీ భాషలలో కూడా నటించినా ఆమెకి అదృష్టం కలిసిరాలేదు. అలాంటి సనా ఆ తర్వాత తెరపై కనిపించలేదు. అయితే సనాఖాన్ ఇటీవల సైలెంట్ గా పెళ్లి చేసుకొని అందరికి సర్ప్రైజ్ ఇచ్చింది.
Also Read:-సినిమా హీరోగా ఓ ముఖ్యమంత్రి తనయుడు?
గుజరాత్ కు చెందిన ముఫ్తి అనాస్ అనే వ్యక్తిని పెళ్లి చేసుకుంది సనాఖాన్. ఆ పెళ్ళికి సంబంధించిన ఫోటోలు, వీడియోలు సోషల్ మీడియాలో వైరల్ గా మారాయి. ఆ ఫొటోల్లో సనా ఖాన్ తన భర్తతో కలిసి తెల్లటి వివాహ దుస్తుల్లో మెరిసిపోతోంది. కరోనా కారణంగా అతి తక్కువ కుటుంబ సభ్యుల మధ్య ఈ వివాహం జరిగినట్లు సమాచారం. వివాహం తర్వాత పూర్తిగా సినిమాలను మానేస్తానని తన వ్యక్తిగత జీవితంపైనే దృష్టి పెడతానని సనా ఖాన్ స్పష్టం చేసింది. కొత్త సినిమాల కోసం తనను ఎవరూ సంప్రదించవద్దని కూడా తెలిపింది.
Also Read:-రెండోసారి రొమాన్స్ కు సిద్ధం
తనకు ఎంతో పేరు, ప్రఖ్యాతలు తెచ్చిపెట్టిన సినీ పరిశ్రమకు కృతఙ్ఞతలు తెలిపింది సనా. ఇక ఇప్పటి నుండి పేద ప్రజలకు సాయం చేయడానికి ప్రయతిస్తానని ఆమె తెలిపింది. సోషల్ మీడియాలో వైరల్ గా మారిన పెళ్లి ఫోటోలపై సనా ఖాన్ అభిమానులు, నెటిజన్లు స్పందిస్తున్నారు. కొత్త జీవితంలోకి అడుగుపెడుతున్న తమ అభిమాన హీరోయిన్ కు అల్ ది బెస్ట్ చెప్తున్నారు అభిమానులు. అంతే కాకుండా పేద ప్రజల కోసం పని చేస్తాను అంటున్న సనా ఖాన్ వెంట మేము కూడా ఉంటామని అంటున్నారు. ఆమె వైవాహిక జీవితం సంతోషమయం కావాలని కోరుకుందాం.