రజినీకాంత్ అల్లుడు, తమిళ హీరో ధనుష్ తాజా సినిమా ‘కర్ణన్’ విడుదల తేదీ వచ్చేసింది. ఈ సినిమాని ఏప్రిల్ 9న విడుదల చేయనున్నట్టు అధికారిక ప్రకటన విడుదలైంది. విలక్షణ నటనతో తమిళనాట ధనుష్ తనకంటూ ప్రత్యేకతను చాటుకుంటున్నారు. ‘కర్ణన్’ టీజర్ పేరుతో ఓ గ్లింప్స్ ను కూడా గత నెలలో విడుదల చేశారు. బ్లాక్ అండ్ వైట్ స్క్రీన్పై ధనుష్ కత్తితో వస్తున్నట్టు చూపించారు.
ధనుష్ కు ఇది మరో బ్లాక్బస్టర్ సినిమాలా అనిపిస్తోంది. ‘మారి’సెల్వరాజ్ దర్శకత్వంలో రూపొందే ఈ సినిమా చారిత్రక కథాంశం అని సమాచారం. కలైపులిథాను నిర్మిస్తున్న ఈ సినిమా కోసం ప్రత్యేకంగా ఒక ఊరి సెట్ నే నిర్మించారు. దాదాపు సినిమా అంతా ఆ సెట్ లోనే రూపొందించారు. సంతోష్ నారాయణ్ దీనికి సంగీతం సమకూరుస్తున్నారు. ఈ సినిమా విడుదల తేదీ ప్రకటించిన సందర్భంగా ధనుష్ లుక్ ను కూడా విడుదల చేశారు.
Must Read ;- హాలీవుడ్ మల్టీస్టారర్ సినిమాలో ధనుష్
