Karnataka PCC Chief DK Shivakumar Slaps Party Follower :
ఇష్టమైన హీరోలు, అభిమాన రాజకీయ నాయకులు తారసపడితే ఏ అభిమానైనా.. ఓ సెల్ఫీనో, షెక్ హ్యాండో ఇవ్వాలనుకుంటారు. అందుకోసం ఎంతకైనా శ్రమిస్తారు. ఎన్నో ప్రయత్నాలు చేసి ఓ ఫొటో దిగి ముచ్చట పడుతుంటారు. అయితే ఒక్కోసారి హద్దులు మీరుతుంటారు. దీంతో నాయకులు ఫ్యాన్స్ ను కొట్టడం, మొబైల్స్ ను నేలకేసి విసరటం చేస్తుంటారు. ఈ విషయంలో కర్ణాటకకు చెందిన రాజకీయ నేతలు అందరికంటే ముందు ఉంటారని చెప్పాలి. గతంలో సీఎం హోదాలో ఉండగానే.. అధికారులపై సిద్ధరామయ్య చేయి చేసుకుంటే.. తాజాగా కేపీసీసీ అధ్యక్షుడు డీకే శివకుమార్ కూడా ఈ తరహా ఘటనకే పాల్పడ్డారు. బెంగళూరులో చోటుచేసుకున్న ఘటనకు సంబంధించిన వీడియో ఇప్పుడు సోషల్ మీడియాలో వైరల్ గా మారిపోయింది.
మారని డీకే తీరు..
డీకే శివకుమార్.. కర్ణాటక పీసీసీ చీఫ్ గా బాధ్యతలు నిర్వహిస్తున్నారు. ట్రబుల్ షూటర్లలో ఒకరిగా ఈయనకు పేరుంది. ఊహించని ఎత్తుగడలు, మాటల చాతుర్యం, ప్రత్యర్థులపై విరుచుపడే నాయకత్వ లక్షణాలు డీకే సొంతం. అందుకే కర్ణాటక కాంగ్రెస్ లో మంచి ఫాలోయింగ్ ఉంది. మరి అలాంటి నాయకుడికి సాధారణంగా అభిమానుల తాకిడి ఎక్కువే ఉంటుంది. అయితే తనపై అభిమానం చూసే కార్యకర్తలపై డీకే అప్పుడప్పుడు అసహనం వ్యక్తం చేస్తుంటారు. ఒక్కోసారి చెయ్యి కూడా చేసుకుంటారనే విమర్శలు కూడా ఉన్నాయి. తాజాగా డీకే కోపానికి ఓ కార్యకర్త చెంప చెల్లుమంది.
రౌడీగా పోల్చుతూ..
పార్టీ సీనియర్ నేతను పరామర్శించేందుకు డీకే శివకుమార్ మండ్యాలో పర్యటించారు. నేతను పరామర్శించి బయటకు వస్తుండగా.. సెల్ఫీ కోసం ఓ కార్యకర్త భుజం పై చేయి వేసి ఫొటో దిగేందుకు ప్రయత్నించాడు. దీంతో ఒక్కసారిగా కోపంతో ఊగిపోయినా శివకుమార్ కార్యకర్త చెంప చెల్లుమనిపించాడు. ‘చనువిస్తే.. చేయి వేస్తావా..’ అంటూ మండిపడ్డారు. అంతటితో ఆగకుండా చెంప పగలగొట్టారు. ఈ వీడియో సోషల్ మీడియాలో తెగ వైరల్ అవుతోంది. ఈ ఘటనపై బీజేపీ ఘాటుగా స్పందిస్తూ ‘డీకే ఒక రౌడీ’ అంటూ వ్యాఖ్యలు చేసింది. కార్యకర్తలపై ఎన్నో సార్లు డీకే దాడి చేశారని, కార్యకర్తల పట్ల ప్రవర్తించే తీరు ఇదేనా.. అంటూ విమర్శలు గుప్పించింది.
Must Read ;- జగన్కు బీజేపీ ఆఫరిచ్చిందా?.. ఇదీ ‘హోదా’లాంటిదేనా?
#WATCH Karnataka Congress President DK Shivakumar slaps a party worker for trying to put his hand on his shoulder in Mandya yesterday pic.twitter.com/6ldIB08mdw
— ANI (@ANI) July 10, 2021
