విశాఖ సాగరతీరంలో ఎల్ఈడీ బెంచ్ పర్యాటకులను విశేషంగా ఆకట్టుకుంటోంది. స్మార్ట్ ఇన్నోవేషన్స్ వైజాగ్ అనే సంస్థ స్మార్ట్ సిటీ ని దృష్టిలో పెట్టుకుని ఏదైనా వినూత్నంగా చేయాలని ఈ బెంచ్ డిజైన్ చేసింది. సోలార్ విద్యుత్తు, ఏసీ విద్యుత్తుతో పని చేస్తూ రకరకాల రంగులు విరజిమ్మే ఈ బెంచ్ పైలెట్ ప్రాజెక్టుగా బీచ్ రోడ్ లో ఏర్పాటు చేశారు.
సుమారు 70 వేల రూపాయలు ఖర్చు చేసి ఎం సన్యాసిరావు డిజైన్ చేశారు. చీకటి పడగానే బెంచ్ లో ఉండే వివిధ రంగుల ఎల్ఈడి కాంతులు అందరిని ఆకట్టుకుంటున్నాయి. వాటర్ ప్రూఫ్, రస్ట్ ప్రూఫ్ కావడంతో చాలా కాలం మన్నిక ఉంటుందని తయారీదారులు చెబుతున్నారు. సాయంత్రం వేళ సెల్ఫీల కోసం అనేక మంది ఉత్సాహం చూపుతున్నారు. దీనికి వచ్చే స్పందన బట్టి భవిష్యత్తులో మరిన్ని పర్యాటక ప్రాంతాలలో ఏర్పాటు చేయాలని జివిఎంసి భావిస్తోంది.
