ప్రతీ ఏడాది నాలుగు సినిమాలకు తగ్గకుండా విడుదల ప్లాన్ చేసుకుంటారు మాలీవుడ్ మెగాస్టార్ మమ్ముట్టి. కానీ లాస్టియర్ కరోనా ఎఫెక్ట్ తో కేవలం ‘షైలాక్’ అనే మూవీతో మాత్రమే మలయాళీలను పలకరించారాయన. ఆ ఒక్క సినిమా సూపర్ హిట్టవడం విశేషం. ఇక ఈ ఏడాది మాత్రం.. ఆయన చిత్రాలు వరుసగా విడుదలవడానికి సిద్ధపడుతున్నాయి. అందులో ఒక సినిమా ‘ది ప్రీస్ట్’.
ఒక క్రైస్తవ ప్రీస్ట్ ఒక మర్డర్ కేస్ ను ఇన్వెస్ట్ చేయడానికి బరిలోకి దిగుతాడు. ఆ క్రమంలో జరిగే ఆసక్తికరమైన సంఘటనల సమాహారమే ఈ సినిమా. హారర్ థ్రిల్లర్ జోనర్ లో తెరకెక్కుతోన్న ఈ సినిమాకి కొత్త కుర్రోడు జోఫిన్ టి చాకో దర్శకుడు. ఈ సినిమా టీజర్ ఇటీవలే విడుదలైంది. లాంగ్ కోట్, లాంగ్ హ్యాట్, మెళ్ళో క్రాస్ , గెడ్డం గెటప్ లో మమ్ముట్టి సరికొత్తగా కనిపిస్తున్నారు.
‘మీరు నమ్మండి నమ్మకపొండి.. సైన్స్ కు సంబంధించిన ఏ సిద్ధాంతం వెనుకైనా ఒక డార్క్ జోన్ ఉంటుంది’.. అంటూ మమ్ముట్టి డైలాగ్ తో టీజర్ మొదలవుతుంది. ఈ డైలాగ్ ను బట్టి.. ఈ సినిమా ఆసక్తిని కలిగించడమే కాదు.. ప్రేక్షకుల్ని భయపెట్టనుందని కూడా అర్ధమవుతోంది. ఇంకా కొన్ని ఆసక్తికరమైన షాట్స్ మధ్య .. కథానాయిక మంజూ వారియర్ రివీల్ అవుతుంది. మమ్ముట్టి పాత్ర తో పాటు ఒక కుక్క కూడా కనిపిస్తుంది. మొత్తం మీద ‘ది ప్రీస్ట్ టీజర్’ చాలా ఆసక్తికరంగా కనిపిస్తోంది. మరి ఈ సినిమా ఏ రేంజ్ లో ప్రేక్షకుల్ని మెప్పిస్తుందో చూడాలి.
Must Read ;- మలయాళ సినిమాలో ఎంట్రీ ఇస్తోన్న స్టార్ యాంకర్
