మెగాస్టార్ చిరంజీవి, మెగా పవర్ స్టార్ రామ్ చరణ్ హీరోలుగా.. కొరటాల శివ దర్శకత్వంలో రూపొందుతోన్న యాక్షన్ అండ్ మెజేజ్ ఓరియెంటెడ్ మూవీ ‘ఆచార్య’. మే 13న ప్రపంచవ్యాప్తంగా విడుదల కాబోతున్న నేపథ్యంలో సినిమా షూటింగ్ ను వేగవంతం చేశాడు దర్శకుడు. అలాగే.. సినిమా ప్రచారాన్ని కూడా ముమ్మరం చేశారు. నిన్న రామ్ చరణ్ పుట్టిన రోజును పురస్కరించుకుని మేకర్స్ ఆచార్య సినిమా కు సంబంధించిన రెండు సర్ ప్రైజుల్ని అభిమానులకు అందించారు.
అందులో ఒకటి ఆచార్య సినిమాలోని చరణ్ లుక్ అయితే.. రెండోది ‘ఆచార్య’ సినిమా ఫస్ట్ సింగిల్ త్వరలో విడుదల చేయబోతున్నారనే ప్రకటన. ‘ఆచార్య’ సినిమాలోని మెగాస్టార్ చిరంజీవి, రామ్ చరణ్ లు గన్స్ పట్టుకొని.. ఒక గూడాన్ని సందర్శించే లుక్ అభిమానుల్ని భలేగా ఆకట్టుకుంటోంది. ఇందులో బ్లాక్ డ్రెస్ లో చిరు, చరణ్ ఇద్దరూ రివీలయ్యారు. తండ్రీ కొడుకుల్ని ఒకే ఫ్రేమ్ లో అలా చూడడం అబిమానులకు నిజంగా పండగే.
‘ఆచార్య’ సినిమా ఫస్ట్ సింగిల్ విడుదలకు కూడా సమయం ఆసన్నమైంది. రామ్ చరణ్ పుట్టిన రోజున .. మెగాస్టార్ డ్యాన్స్ మూమెంట్ తో కూడిన ఒక లుక్ రివీల్ చేశారు . మేకర్స్. మణిశర్మ సంగీత సారధ్యంలో బాణీ కట్టిన ‘లాహే లాహే’ అనే ఫస్ట్ సింగిల్ ను మార్చ్ 31న విడుదల చేయబోతున్నట్టు ప్రకటించారు. రామ్ చరణ్ తన ట్విట్టర్ హ్యాండిల్ లో అభిమానుల్ని ఉద్దేశిస్తూ.. మీకు మళ్ళీ వింటేజ్ మెగాస్టార్ ను అందిస్తున్నానని చెప్పాడు. నిజంగా ఆ స్టిల్ చూస్తుంటే.. చిరు అదే గ్రేస్ తో అదే ఊపుతో డ్యాన్స్ ఇరగదీసి.. అభిమానులకు మంచి ఫీస్ట్ ఇస్తారనిపిస్తోంది. అలాగే.. చిరు మణిశర్మ కాంబో లోని పాట కాబట్టి.. ఆ పాట ఏ రేంజ్ లో ఉంటుందనే అంచానాలు కూడా ఉన్నాయి. మరి ఆచార్య ఫస్ట్ సింగిల్ ఏ రేంజ్ లో ఉంటుందో చూడాలి.
Must Read ;- రామ్ చరణ్ పుట్టిన రోజున మెగా సందడి
https://twitter.com/AlwaysRamCharan/status/1375758279146496004
