విలక్షణ నటుడు మోహన్ బాబు తన పిల్లల పట్ల సందర్భం వచ్చినప్పుడల్లా వాత్సల్యాన్ని చాటుకుంటూ ఉంటారు. లక్ష్మీ ప్రసన్న, విష్ణు, మనోజ్ కుమార్ లలో ఆయనకి లక్ష్మి అంటే ..ప్రత్యేకమైన అభిమానం అని చాలా సార్లు ప్రూవ్ అయింది. ఈ రోజు ఆమె పుట్టినరోజు సందర్భంగా మోహన్ బాబు మరోసారి తన పుత్రికా వాత్సల్యాన్ని , ఆమె పట్ల తనకున్న అనురాగాన్ని ట్విట్టర్ వేదికగా వెల్లడి చేశారు. ఆయన తన సొంత నిర్మాణ సంస్థ బ్యానర్ కి ఆమె పేరే పెట్టిన సంగతి తెలిసిందే. అంతేకాదు.. లక్ష్మీ ప్రసన్న బాలనటిగా ఆ బ్యానర్ తోనే రంగ ప్రవేశం చేసింది.
మోహన్ బాబు ద్విపాత్రాభినయంలో జి.సి.శేఖర్ దర్శకత్వంలో ‘పద్మవ్యూహం’ అనే మూవీని నిర్మించారు. అందులో లక్ష్మీ ప్రసన్న ఆయన కూతురుగా నటించింది. ఆమె పై ‘దిగు దిగు దిగు నాగ దిగరా సుందరనాగ’ అనే పాట కూడా చిత్రీకరించారు. చిన్నతనంలో ఎంతో క్యూట్ గా ఉండే .. లక్ష్మీ ప్రసన్న ను తాను ఎత్తుకున్న ఫోటోను షేర్ చేస్తూ .. నా ముద్దుల కుమార్తె లక్ష్మి ప్రసన్న వజ్రవైడూర్య పుష్య గోమేధిక మరకత మాణిక్యం లాంటి కుమార్తె పుట్టినరోజు ఈరోజు. మరో జన్మంటూ ఉంటుందో లేదో తెలియదు కానీ, ఉంటే మళ్లీ ఈ లక్ష్మీ ప్రసన్నే కూతురుగా పుట్టాలని, నేను తనకు తండ్రిగా పుట్టాలని ఆ పంచభూతాల్ని ప్రార్ధిస్తున్నాను. హ్యాపీ బర్త్ డే టు మైడియర్ లవ్లీ లక్ష్మీ ప్రసన్న అంటూ ఆమెకు విషెస్ తెలియచేశారు మోహన్ బాబు . ప్రస్తుతం ఈ ఫోటో సోషల్ మీడియాలో వైరల్ గా మారింది.
Wishing many happy returns of the day to my priceless treasure @LakshmiManchu. Enni Janmalaina nuvvu naa kuturuga puttalani, aa devudni pradhisthuna. Love you 3000. #HBDLakshmiManchu pic.twitter.com/H1iC4l9Lvx
— Mohan Babu M (@themohanbabu) October 8, 2020
