ఇటీవల అక్కినేని నాగార్జున నటించిన ‘వైల్డ్ డాగ్’ సినిమా థియేటర్స్ ఆశించిన రీతిలో అలరించలేకపోయింది. అయితే విచిత్రంగా ఇదే సినిమాకి నెట్ ఫ్లిక్స్ లో అద్బుతమైన స్పందన లభించింది. ఓటీటీలో ఎక్కువ మంది వీక్షించిన సినిమాగా ట్రెండింగ్ లో నిలిచింది. అందుకే నాగ్ అలాంటి సినిమాలకు ఇకపై చెక్ పెట్టాలనే నిర్ణయం తీసుకున్నారట. సాధరణంగా ప్రయోగాత్మక చిత్రాలపై బాగా ఆసక్తి చూపించే ఆయన.. ఇప్పుడు వైల్డ్ డాగ్ రిజల్ట్ చూసిన తర్వాత .. ప్రవీణ్ సత్తారు సినిమా పై కూడా సందేహంతో ఉన్నారట.
ప్రవీణ్ సత్తారు దర్శకత్వంలో త్వరలో సెట్స్ మీదుకు తీసుకెళ్ళాలనుకున్న సినిమాలో నాగ్ .. రా ఆపీసర్ గా నటించనున్నారు. కాజల్ అగర్వాల్ సైతం ఇందులో రా ఆఫీసర్ గా నటించబోతోంది. వైల్డ్ డాగ్ సినిమా తర్వాత మళ్ళీ అదే జానర్ లో సినిమా చేయడానికి నాగ్ .. ఆలోచిస్తున్నారట. అందుకే ఈ సినిమాను ప్రస్తుతానికి హోల్డ్ లో పెట్టి.. బంగార్రాజు మూవీని లైన్ లో పెట్టాలని ప్లాన్ చేస్తున్నారట.
ఆల్రెడీ ‘బంగార్రాజు’ సినిమా స్ర్కిప్ట్ కు తుది మెరుగులు దిద్దారు నాగ్. దర్శకుడు కళ్ళాణ్ కృష్ణ తో కలిసి.. అవసరమైనన్ని మార్పులు సూచించి… అతడిచేత స్ర్కిప్ట్ ను లాక్ చేయించారట. సోగ్గాడే చిన్న్నినాయనా సినిమా సూపర్ హిట్టవడానికి దోహదం చేసిన అంశాల్ని .. రెండో భాగంలో కూడా వర్కవుట్ అయ్యేలా చూస్తున్నారట. ముఖ్యంగా బంగార్రాజు పాత్రను మరింత ఆకర్షణీయంగా తీర్చిదిద్దుతున్నారట. అలాగే.. రమ్యకృష్ణ పాత్రకి కూడా మరింత గ్లామర్ యాడ్ చేస్తున్నారట. మరి నిజంగా.. నాగ్.. తదుపరి చిత్రంగా బంగార్రాజును పట్టాలెక్కిస్తారో లేదో చూడాలి.
Must Read ;- జూన్ లో సెట్స్ పైకి నాగార్జున ‘బంగార్రాజు’ సినిమా
