ఎన్టీఆర్ స్మారకంగా నందమూరి బాలకృష్ణ శ్రీరామదండకం

నందమూరి బాలకృష్ణ తన ఇవ్వబోయే సర్ ప్రైజ్ ను ప్రకటించేశారు. తన తండ్రి స్వర్గీయ నందమూరి తారక రామారావు పుట్టిన రోజు సందర్భంగా ఆయన ఈ సర్ ప్రైజ్ ను ప్లాన్ చేశారు. అది మనం ముందుగా ప్రకటించినట్టుగానే శ్రీరామ దండకం. ఎన్టీఆర్ బొమ్మలు, తన గానంతో ఆయన ఈ శ్రీరామదండకాన్ని రూపొందించారు. తన తండ్రి 99వ పుట్టిన రోజు సందర్భంగా ఆయన దీన్ని రూపొందించారు.

నందమూరి బాలకృష్ణకు కూడా తన తండ్రి గారంటే వల్లమాలిన అభిమానం. పైగా విపరీతమైన దైవభక్తి. తన తండ్రి ఆత్మశాంతించాలంటే ఆయనకు నచ్చిన పనిచేయాలి. అందుకే శ్రీరామదండకాన్ని ఆయన ఎంచుకున్నారు. ఆ మధ్య భీష్మ ఏకాదశి సందర్భంగా గతంలో తాను తండ్రిని అనుకరిస్తూ వేసిన భీష్ముడి గెటప్ ను విడుదల చేశారు బాలకృష్ణ. అలాగే ఎన్టీఆర్ ‘జగదేకవీరుని కథ’లోని శివశంకరీ గీతాన్ని తన పుట్టిన రోజు సందర్భంగానూ ఆలపించారు.

ఇప్పుడు ఎన్టీఆర్ జయంతి సందర్భంగా ఏదో చేయాలని ఆలోచించిన బాలయ్యకుక శ్రీరామదండకం గుర్తొచ్చింది. వెంటనే ఆచరణలో పెట్టేశారు. తన తండ్రికి నివాళిగా తన గాత్రంతో ‘శ్రీరామదండకం’ విడుదల చేయనున్నట్లు ఈరోజు ఉదయం 8.45గంటలకు ట్విట్టర్ ద్వారా ప్రకటించారు. దీన్ని మే 28 వతేదీ ఉదయం 9.45 గంటలకు విడుదల చేయనున్నట్టు ప్రకటించారు. ఎన్టీఆర్ నటించిన శ్రీరాముడి పాత్రలను జోడిస్తే ఈ శ్రీరామదండకం ఎంతో కనువిందుగా ఉంటుంది. దానికోసం నందమూరి అభిమానులు ఎదురుచూస్తున్నారు.

#NandamuriBalakrishna sings the holy chant #SriRamaDandakam on the eve of #NTR's birth anniversary.

Watch out for it tomorrow at 9:45 AM.
Stay Tuned: https://t.co/oH4JpThnNn#NandamuriTarakaRamaRao @NBKFilms_ pic.twitter.com/icegs7PPLm

— NBK FILMS (@NBKFilms_) May 27, 2021