ఆటంటే కవ్వింపులు.. కాస్త రెట్టింపులు కామనే! అయితే.. ఆ తర్వాత క్రమశిక్షణ చర్యలు, ఆటగాళ్లపై వేటులు.. ఇలాంటివి జరుగుతుంటాయి. కానీ.. గల్లీల్లో సిల్లీ ప్లేయర్స్ ఫైట్ మీరు ఎప్పుడైనా చూశారా? ఒకరిపై ఒకరు పడుతూ.. బూతు పురాణాలతో కడిగేసుకోవడం మీరెప్పుడైనా విన్నారా? పోర్చుగల్ ప్రీమియర్ లీగ్ లో ఇదే జరిగింది. అంతర్జాతీయ స్థాయిలో కొన్నికోట్ల మంది వీక్షిస్తుండగా.. ఇద్దరు అగ్రశ్రేణి ఆటగాళ్లు గల్లాలు పట్టుకుని కొట్టుకున్న వీడియో ఇప్పుడు వైరల్ గా మారింది. నెట్టింట్లో తెగ చక్కెర్లు కొడుతోంది.
ఆ ఫైటెంతో.. ఆసక్తికరం!
క్రికెట్ లో స్లెడ్జింగ్ మనం తరుచూ చూస్తూ ఉంటాం. ఇటీవలే భారత్ ఆస్ట్రేలియా పర్యటించిన నేపథ్యంలోనూ ఇటువంటి వార్తలే వచ్చాయి. అంతకుముందూ ఇటువంటి స్లెడ్జింగ్ పేరుతో జరిగిన ఎన్నో ఘటనలు మనకు తెలుసు. ఇక ఫుట్ బాల్ గేమ్ లో సైతం ఇలాంటి కవ్వింపు చర్యల్ని చాలానే చూశాం. అయితే… పోర్చుగల్ ప్రీమియర్ లీగ్లో జరిగిన సంఘటన మాత్రం ఎంతో ప్రత్యేకం. ఒకే జట్టుకు చెందిన ఆటగాళ్లు కొట్టుకోవడం మనెప్పుడూ చూసి ఉండం. కానీ.. ఇలాంటి గొడవే పోర్చుగల్ ప్రీమియర్ లీగ్ లో జరిగింది.
హద్దుమీరిన ఆట…
