యాంకర్ ప్రదీప్ కి బుల్లితెరపై విపరీతమైన క్రేజ్ ఉంది. చాలా షోస్ లో ఆయన సందడి చేస్తూ ఉంటాడు .. సమయస్ఫూర్తితో నవ్విస్తూ ఉంటాడు. ఆయనకి గల క్రేజ్ కారణంగానే సినిమాల్లో హీరోగా అవకాశం వచ్చింది. ‘30 రోజుల్లో ప్రేమించటం ఎలా?’ అనే సినిమాతో ఆయన హీరోగా ప్రేక్షకుల ముందుకు రానున్నాడు. మున్నా దర్శకత్వం వహించిన ఈ సినిమాలో ప్రదీప్ జోడీగా అమృత అయ్యర్ అలరించనుంది. యూత్ ఫుల్ లవ్ స్టోరీగా రూపొందిన ఈ సినిమా, ఈ రోజునే ప్రేక్షకుల ముందుకు వచ్చింది.
అనూప్ రూబెన్స్ స్వరపరిచిన ‘నీలి నీలి ఆకాశం .. ‘ పాటకు విశేషమైన ఆదరణ లభించింది. చంద్రబోస్ సాహిత్యాన్ని అందించిన ఈ పాటను సిద్ శ్రీరామ్ ఆలపించాడు. ఈ పాట ఒక రాకెట్ లాంచర్ లా దూకుపోతోంది. కుర్రాళ్లంతా కూడా ఈ పాటను గుప్పెట్లో పట్టుకుని .. గుండెల్లో పెట్టుకుని పరిగెడుతున్నారు. అలాంటి ఈ పాటను గురించి తాజా ఇంటర్వ్యూలో ప్రదీప్ మాట్లాడాడు. “సాధారణంగా సినిమా రిలీజ్ కి ముందు ఎవరైనా లిరికల్ వీడియో సాంగును రిలీజ్ చేస్తారు. కానీ మేము పూర్తి పాట వీడియోను వదిలాము.
మహేశ్ బాబుగారు ఆ పాటను రిలీజ్ చేశారు. పాటను ఇలా వదిలామో లేదో .. అలా సెన్సేషన్ అయింది. కేవలం కొన్ని గంటల్లోనే ఆ పాటను 10 లక్షల మంది చూశారు. ఇంతవరకూ ఈ పాటను 300 మిలియన్ల మంది చూశారు. ఒక తెలుగు పాటకు ఈ స్థాయి రెస్పాన్స్ రావడం మాకు చాలా ఆనందాన్ని కలిగించింది. నేను చేసిన మొదటి సినిమాలో మొదటి పాటకు ఇంతటి ఆదరణ లభించడం నా అదృష్టంగా భావిస్తున్నాను. ఈ పాటను గురించి మాటల్లో చెప్పలేను. నా లైఫ్ లో నాకు ఎప్పటికీ గుర్తుండిపోయే పాట ఇది” అని చెప్పుకొచ్చాడు.
Must Read ;- 30 రోజుల్లో ప్రేమించడం ఎలా? ( రివ్యూ)
https://www.youtube.com/watch?v=XjJTtKTbR84
