పశ్చిమ బెంగాల్ లో ఎన్నికలు 8 దశల్లో జరపనున్నట్లు శుక్రవారం ఎన్నికల కమిషన్ ప్రకటించిన సంగతి తెలిసిందే. ఈ నేపథ్యంలో.. ఎన్నికల వ్యూహకర్తగా పేరు గాంచిన ప్రశాంత్ కిషోర్.. శనివారం తన ట్విట్టర్ వేదికగా ఆసక్తికరమైన వ్యాఖ్యలు చేశారు. ‘దేశ వ్యాప్తంగా జరుగుతున్న ప్రజాస్వామ్య పోరాటంలో.. ఒకటి పశ్చిమ బెంగాల్ లో జరగనుంది. బెంగాల్ ప్రజలు సరైన వ్యక్తిని ఎంచుకోవడం ద్వారా.. దేశానికి సందేశం అందించడానికి సిద్దమవుతున్నారు. గుర్తుంచుకోండి.. మే 2న నేను చెప్పిందే నిజమవబోతుంది’ అంటూ ట్వీట్ చేయడం నెట్టింట వైరల్ గా మారింది.
One of the key battles FOR DEMOCRACY in India will be fought in West Bengal, and the people of Bengal are ready with their MESSAGE and determined to show the RIGHT CARD – #BanglaNijerMeyekeiChay
(Bengal Only Wants its Own Daughter)
PS: On 2nd May, hold me to my last tweet. pic.twitter.com/vruk6jVP0X
— Prashant Kishor (@PrashantKishor) February 27, 2021
2021 లో ప్రశాంత్ కిశోర్ చేసిన మొదటి ట్వీట్ ఇదే కావడం గమనార్హం. చివరగా 21న బెంగాల్ ఎన్నికలపై స్పందించిన కిశోర్.. ‘నిజానికి బీజేపీ అనుకూల మీడియా మాత్రమే వాళ్ల గురించి గొప్పలు చెబుతోంది. కానీ రెండంకెల మించిన సీట్లు సాధించడానికి బీజేపీ చాలా కష్టపడుతోంది’ అంటూ ఎద్దెవా చేశారు. తిరిగి ఎన్నికల కమిషన్ షెడ్యూల్ విడదల చేసిన తర్వాత ఇలా స్పందించడం చర్చానీయాంశంగా మారింది. హ్యాట్రిక్ కొట్టాలని తృణమూల్ కాంగ్రెస్ ఉవిళ్లూరుతుంటే.. పశ్చిమ బెంగాల్ ని కైవసం చేసుకుని దీదీ నోరెత్తకుండా చేయాలని మోడీ ప్రభుత్వం చాలా గట్టిగానే ప్రయత్నిస్తోంది.
Must Read ;- పశ్చిమ బెంగాల్ బీజేపీ సీఎం అభ్యర్థి.. స్వామీజీనేనా?
