నితిన్, కీర్తి సురేష్ జంటగా నటించిన ‘రంగ్ దే’ సినిమా గత ఏడాదే రిలీజ్ అవ్వాల్సిన సినిమా. ఒక విధంగా క్రేజీ ప్రాజెక్టు కూడా. మొదటిసారిగా నితిన్ కు జోడీగా కీర్తి సురేష్ నటించడంతో ఈ సినిమా మీద మంచి బజ్ ఉంది. ఈ సినిమా ట్రైలర్ విడుదల వేడుకను కర్నూలులో నిర్వహించారు. వెంకీ అట్లూరి దర్శకత్వంలో సితార ఎంటర్టైన్మెంట్స్ బ్యానర్పై సూర్యదేవర నాగవంశి ఈ సినిమాని నిర్మించారు. ఈ మార్చి 26న ‘రంగ్ దే’ విడుదలవుతోంది. కర్నూలు ఎమ్మెల్యే హఫీజ్ ఖాన్ ఈ ట్రైలర్ విడుదల వేడుకలో పాల్గొన్నారు. తరచూ కర్నూలులో షూటింగులు చేసుకోవాలని కోరారు.
నటుడు అభినవ్ గోమటం మాట్లాడుతూ ‘ఇదో ఫ్యామిలీ ఎంటర్టైనర్. ఏడాదిపాటు కష్టపడి తీశారు. లాక్డౌన్ వల్ల విడుదల ఆలస్యమైంది. సినిమా మస్తుంటది. తప్పకుండా థియేటర్లలో చూడండి. సాంగ్స్లో నితిన్ ఎట్లా డాన్స్ చేస్తారో తెలిసిందే కదా. నితిన్, సుహాస్, వెన్నెల కిశోర్, నేనూ కలిసి మస్తు కామెడీ చేశాం’ అన్నారు. ట్రైలర్ను లాంచ్ చేసిన హఫీజ్ ఖాన్, సుధాకర్, భరత్లకు నితిన్ ధన్యావాదాలు తెలిపారు. ప్రేమతో ఈ సినిమాను చూసి మంచి హిట్ ను తమకు అందివ్వాలని నితిన్ ప్రజలను కోరారు. సువర్ణ అనే అభిమాని నితిన్ తో చమత్కారం చేసింది. ‘పెళ్లయ్యాక సన్నబడ్డారు కారణమేంటి?’ అనడిగితే ‘ఇంట్లో పనిచేసి బట్టలుతికి, అంట్లుతోమి బక్కగా అయ్యా’ అని నితిన్ బదులిచ్చారు.
ట్రైలర్ ఎలా ఉందంటే..
రంగ్ దే ట్రైలర్ నిడివి 2.20 నిమిషాలు ఉంది. చక్కని రొమాన్స్, కామెడీతో ఫ్యామిలీ ఎంటర్టైనర్ అని తెలుస్తోంది. ‘నేను అర్జున్.. దేవుడ్ని నాకో గాళ్ఫ్రెండ్ని ప్రసాదించమని కోరుకున్నా. కోరుకున్న ఆరో సెకన్కి ఒక పాప మా కాలనీకి వచ్చింది. అప్పట్నుంచి తొక్కటం స్టార్ట్ చేసింది.. నా జీవితాన్ని’ అని నితిన్ చెబుతుండగా ట్రైలర్ ప్రారంభమైంది. అప్పుడు అర్జున్ బాగా చిన్నోడు. ఆ పాప పెద్దయ్యాక కీర్తి సురేష్ అవుతుంది.
మనోడు స్టడీస్లో బాగా పూర్ అయితే కీర్తిసురేష్ జీనియస్. అర్జున్ ఎగ్జామ్స్లో ఫెయిలైతే ఆమెకు 95 పర్సెంట్ మార్క్స్. ఆమె వల్ల ఫ్యామిలీలో అర్జున్కు అడుగడుగునా అవమానాలే. దాంతో ఫ్రస్ట్రేషన్కు గురై ఆమెను ఎలాగైనా వదిలించేసుకోవాలనుకుంటాడు. అను పాత్ర పోషించిన కీర్తి సురేష్ కి మాత్రం అతనంటే చాలా ప్రేమ అని ట్రైలర్ ను బట్టి మనం అర్థంచేసుకోవచ్చు. డైలాగ్స్ ఆకర్షణీయంగా ఉన్నాయి.
Must Read ;- బ్లైండ్ నితిన్ మూవీ విడుదల ప్రీ పోన్ అయిందా?