ఇప్పటి కథానాయికలు తమ కెరియర్ విషయంలో చాలా జాగ్రత్తగా ఉంటున్నారు. గ్లామర్ పరంగా .. నటన పరంగా తమని తాము తీర్చిదిద్దుకుంటున్నారు. హీరోయిన్ అంటే అందంగా ఉండాలనే ప్రేక్షకులు కోరుకుంటారు. అందంగా కనిపిస్తేనే మంచి మార్కులు ఇస్తారు .. మరిన్ని అవకాశాలు వచ్చేంత క్రేజ్ ను తెస్తారు. అందుకే అందం విషయంలో హీరోయిన్లు చాలా కేర్ తీసుకుంటూ ఉంటారు. అలా గ్లామర్ విషయంలో శ్రద్ధ తీసుకునే హీరోయిన్ల జాబితాలో రాశి ఖన్నా కూడా కనిపిస్తుంది.
కెరియర్ తొలినాళ్లలో రాశి ఖన్నా ముద్దబంతిలా .. ముద్దమందారంలా ఉండేది. చక్కని మేనిఛాయతో తెల్ల గులాబీలా మెరిసిపోయేది. నిజంగా అందాలరాశినే అంటూ అభిమానులు కితాబునిచ్చారు. నిదానంగానే అయినా ఆమె ఆశించిన హిట్లు ఇచ్చేసి నిలబెట్టారు. అయితే ఎక్కువ కాలం తన కెరియర్ గ్రాఫ్ కొనసాగాలనే ఉద్దేశంతో మరింత స్లిమ్ కావాలని రాశి ఖన్నా భావిస్తోంది. అప్పటి నుంచి ఆమె జిమ్ లో వర్కౌట్లు చేస్తూ గట్టిగానే కసరత్తు చేస్తోంది. అలా ఈ ముద్దబంతి .. సన్నబడి సన్నజాజిగా మారిపోయింది.
సన్నబడిపోయాం కదా అని ఆమె వర్కౌట్లు ఆపలేదు. ‘కూర్చుంటే కావలసిన షేప్ పొందలేము’ అంటూ జిమ్ లో కసిగా కసరత్తులు సాగిస్తోంది. రాశి ఖన్నా పోస్ట్ చేసిన ఈ ఫొటో చూస్తే, ఆమె మరింత సన్నబడినట్టుగా కనిపిస్తోంది. అయితే జీరో సైజ్ ను తెలుగు ప్రేక్షకులు ఇష్టపడరనే విషయాన్ని కూడా ఆమె దృష్టిలో పెట్టుకోవాలి. ప్రస్తుతం రాశి ఖన్నా చేతిలో నాలుగు తమిళ సినిమాలు ఉన్నాయి. ఈ సినిమాలన్నీ ఈ ఏడాదిలో విడుదల కానున్నవే. మొత్తానికి ఈ ఏడాది రాశి ఖన్నా జోరు ఒక రేంజ్ లో ఉండనుందన్న మాట.
Must Read ;- టైమ్ వస్తే చెలరేగిపోవల్సిందేనంటున్న అందాలరాశి
