యావత్ ప్రపంచాన్ని కరోనా వైరస్ హడలెత్తిస్తోంది. ఆ మధ్య ఇండియాలో తీవ్రరూపంలో ఉన్న సమయంలో లాక్ డౌన్ అనేక మార్లు పొడిగించిన విషయం తెలియంది కాదు. ఆ సమయంలో షూటింగులకు బ్రేక్ పడినా రామ్‌గోపాల్ వర్మ మాత్రం తన సినిమాల పని తాను చేసుకుంటూ పోయారు..కోవిడ్ నిబంధనలు పాటిస్తూనే కొన్ని సినిమాలు రూపొందించి ఓటీటీ ద్వారా విడుదల చేశారు. తాజాగా కరోనా మహమ్మారిపైనే కథను అల్లుకుని కరోనా వైరస్ పేరుతో ఓ సినిమా ను తెరకెక్కించారు.
థియేటర్లు మళ్లీ ప్రారంభం కావడంతో ఈ చిత్రాన్ని థియేటర్లలో విడుదల చేసేందుకు సన్నాహాలు చేస్తున్నారు.. కరోనా సమయంలో తమ గృహంలోనే ఉండిపోయిన ఓ కుటుంబంలో జరిగే సంఘటనల సమాహారమే ఈ చిత్రం. శ్రీకాంత్ అయ్యంగార్ ప్రధాన పాత్ర పోషించిన ఈ చిత్రానికి అగస్త్య మంజు దర్శకత్వం వహించారు. ఈ నెల 11న ఈ చిత్రాన్ని విడుదల చేయనున్నారు. ఈ సందర్భంగా హైదరాబాద్ లో ఏర్పాటు చేసిన ప్రెస్ మీట్లో రామ్ గోపాల్ వర్మ మాట్లాడుతూ, లాక్ డౌన్ సమయంలో హీరోలు ,డైరెక్టర్లు అంట్లు తోముకుని ,వంటలు చేసుకుని, ఇళ్లు ఊడ్చుకుంటూ ఉంటే మేము మాత్రం సినిమాలు నిర్మించాం, కరోనా వైరస్ ఆశీస్సులు మాపై ఉండటం వల్లే మా చిత్ర బృందం ఎవరూ ఎవరు కరోనా వైరస్ ప్రభావానికి గురి కాకుండా ఈ సినిమాను తీయగలిగాం. అందుకే కరోనా వైరస్ కు నేను ఋ ణపడి ఉన్నాను అని అన్నారు.
నటీనటులు శ్రీకాంత్ అయ్యంగార్, వంశీ చాగంటి, సోనియా ఆకుల మాట్లాడుతూ, కరోనా వల్ల మనుగడ ఎలా అని అనుకుంటున్న తరుణంలో ఈ చిత్రంలో నటించమంటూ వర్మ నుంచి పిలుపొచ్చిందని, ఓ కుటుంబంలా కలిసిపోయి ఈ చిత్రం చేశామని తెలిపారు. ఇంకా ఈ కార్యక్రమంలో నిర్మాత నట్టికుమార్, దర్శకుడు అగస్త్య మంజు తదితరులు పాల్గొన్నారు. ఇతర పాత్రలలో కల్పలత గార్లపాటి, దక్షీ గుత్తికొండ, దొరసాయి తేజ, ప్రమీల, సంగీత తదితరులు తారాగణం. ఈ చిత్రానికి రచన: కల్యణ్ రాఘవ్, సంగీతం: డిఎస్ఆర్ , సినిమాటోగ్రఫీ: మల్హర్ బట్ కోడి, ఆర్ట్: మధుకర్, కూర్పు: నాగేంద్ర.
Must Read ;- ఎవరి ప్యాకేజీకి తలొగ్గి `రాంగ్ గోపాల్ వర్మ తీయలేదు
