RRR Movie Release Postponed Again :
బాహుబలి సినిమాతో చరిత్ర సృష్టించిన దర్శకధీరుడు రాజమౌళి తెరకెక్కిస్తున్న పాన్ ఇండియా మూవీ ఆర్ఆర్ఆర్. యంగ్ టైగర్ ఎన్టీఆర్ – మెగా పవర్ స్టార్ రామ్ చరణ్ ల క్రేజీ కాంబినేషన్లో మూవీ అనగానే.. నందమూరి, మెగా అభిమానులే కాకుండా.. సినీ అభిమానులందరూ ఈ సినిమా ఎప్పుడు వస్తుందా అని ఎంతో ఆతృతగా ఎదురు చూస్తున్నారు. ఇప్పటికే చాలా సార్లు ఆర్ఆర్ఆర్ మూవీ రిలీజ్ వాయిదా పడింది. ఎన్నో సార్లు వాయిదా పడిన ఆర్ఆర్ఆర్ మూవీని ఈసారి పక్కాగా దసరా కానుకగా అక్టోబర్ 13న విడుదల చేస్తున్నాం అని ప్రకటించారు.
మేకింగ్ వీడియోలు రిలీజ్ చేయడం.. సాంగ్స్ రిలీజ్ చేయడం స్టార్ట్ చేయడంతో నిజంగానే అక్టోబర్ 13న ఆర్ఆర్ఆర్ వస్తుంది అనుకున్నారు కానీ.. ఆర్ఆర్ఆర్ మరోసారి వాయిదా పడిందని టాలీవుడ్ లో గట్టిగా టాక్ వినిపిస్తోంది. ఉక్రెయిన్ లో సాంగ్ చిత్రీకరించడంతో ఆర్ఆర్ఆర్ షూటింగ్ మొత్తం పూర్తయ్యింది. ఇటీవల టీమ్ ఇండియాకి చేరకుంది. త్వరలోఆర్ఆర్ఆర్ తాజా రిలీజ్ డేట్ ను ప్రకటించనున్నారని తెలిసింది. అయితే.. దసరాకి ఆర్ఆర్ఆర్ రావడం కుదరకపోతే.. క్రిస్మస్ కి వస్తుంది. లేదా.. సంక్రాంతికి వస్తుంది అనుకున్నారు. అదీ కుదరకపోతే.. రిపబ్లిక్ డేకి వస్తుంది అని వార్తలు వచ్చాయి.
అయితే తాజా వార్త ఏంటంటే.. ఉగాదికి ఆర్ఆర్ఆర్ మూవీని విడుదల చేయాలని ఫిక్స్ అయ్యారని సమాచారం. సంక్రాంతి సినిమాలను డిస్టర్బ్ చేయము అని ఇప్పటికే రాజమౌళి యాక్టివ్ ప్రొడ్యూసర్స్ గిల్డ్ కు సమాచారం అందించారు. సంక్రాంతికి సినిమాలు చూసేసిన జనం.. రిపబ్లిక్ డేకి అంతగా సినిమా చూసే మూడ్ లో ఉండరు. అందుచేత రికార్డు స్ధాయిలో కలెక్షన్స్ రాబట్టాలంటే.. ఉగాదికి రావడమే బెటర్ అని ఫిక్స్ అయ్యారని ప్రచారం జరుగుతుంది. మరి.. ప్రచారంలో ఉన్న వార్తల పై త్వరలో రాజమౌళి క్లారిటీ ఇస్తారేమో చూడాలి.
Must Read ;- ‘ఆర్ఆర్ఆర్’ స్థానంలో ‘ఆచార్య’ వస్తుందా?
