దర్శకధీరుడు రాజమౌళి తెరకెక్కిస్తోన్న సంచలన చిత్రం ఆర్ఆర్ఆర్. ఇందులో యంగ్ టైగర్ ఎన్టీఆర్ కొమరం భీమ్ పాత్ర పోషిస్తుంటే.. మెగా పవర్ స్టార్ రామ్ చరణ్ అల్లూరి సీతారామరాజు పాత్ర పోషిస్తున్నారు. ప్రస్తుతం ఈ మూవీ క్లైమాక్స్ చిత్రీకరిస్తున్నారు. ఎన్టీఆర్, రామ్ చరణ్ ల పై చిత్రీకరిస్తున్న క్లైమాక్స్ చిత్రీకరణ శరవేగంగా జరుగుతుంది. ఈ భారీ చిత్రానికి స్వరవాణి కీరవాణి సంగీతం అందిస్తున్నారు.
ఇంటర్నేషనల్ స్టాండర్డ్స్ తో అదిరిపోయేలా మ్యూజిక్ అందిస్తున్నారని తెలిసింది. రాజమౌళి ఇంటర్నేషనల్ మార్కెట్ ను దృష్టిలో పెట్టుకుని పాటలు, బ్యాక్ గ్రౌండ్ స్కోర్ ను వెస్ట్రన్ స్టైల్ లో ఉండేలా ప్లాన్ చేసారని తెలిసింది. ఇక అసలు విషయానికి వస్తే.. ఇందులో ఓ ఇంగ్లీషు సాంగ్ ను కూడా పెడుతున్నారట. ఇంతకీ ఈ సాంగ్ ఎవరెవరి పై ఉంటుందటే.. ఎన్టీఆర్ కొమరం భీమ్ పాత్రలో నటిస్తుండగా.. అతడితో ప్రేమలో పడే బ్రిటిష్ అమ్మాయిగా ఓలివియా కనిపించనుంది.
వీరిద్దరి పైన ఈ ఇంగ్లీషు సాంగ్ ఉంటుందట. ఈ సాంగ్ ఈ సినిమాలోని అన్నీ పాటల్లో అద్భుతంగా ఉంటుందని సమాచారం. ఈ సంచలన చిత్రంలో అజయ్ దేవగన్, శ్రియ కీలక పాత్రలు పోషిస్తున్నారు. దసరాకి ఈ సంచలన చిత్రాన్ని రిలీజ్ చేయడానికి ప్లాన్ చేస్తున్నారని వార్తలు వస్తున్నాయి. బాహుబలి సినిమాతో రాజమౌళి చరిత్ర సృష్టించడంతో.. ఆర్ఆర్ఆర్ బాక్సాఫీస్ వద్ద ఏ స్ధాయి కలెక్షన్స్ సాధిస్తుందో..? అనేది ఆసక్తిగా మారింది.
Must Read ;- షాక్ లో రాజమౌళి సంతోషంలో అభిమానులు
