కీర్తిసురేష్… ఈ పేరు చెప్పగానే ప్రేక్షకుల ఆలోచనలు వేరే విధంగా ఉంటాయి. అల్ట్రా గ్లామరస్ హీరోయిన్లలా కీర్తిసురేష్ ను ఊహించుకోలేరు. ఇక స్కిన్ షో యాంగిల్ లో అస్సలు ఆలోచించరు. బబ్లీగా కనిపిస్తూ, చక్కగా నటించే ఓ మంచి నటిగా మాత్రమే చూస్తారు. ఇలాంటి అమ్మాయి సడెన్ గా బికినీలో కనిపిస్తే ఎలా ఉంటుంది? ఆడియన్స్ జీర్ణించుకోగలరా..? కీర్తిసురేష్ కు అల్ట్రా గ్లామరస్ ఇమేజ్ ఇవ్వగలరా..? ప్రస్తుతం ఇవే ప్రశ్నలు సోషల్ మీడియా నిండా కనిపిస్తున్నాయి. మహేష్ బాబు హీరోగా నటిస్తున్న సర్కారువారి పాట సినిమాలో ఓ మాంఛి రొమాంటిక్ సాంగ్ ఉందంట. బీచ్ బ్యాక్ డ్రాప్ లో తీసే ఈ పాటలో కీర్తిసురేష్ ను బికినీలో చూపించబోతున్నాడట దర్శకుడు పరశురామ్. కీర్తిసురేష్ కూడా అందుకు ఓకే చెప్పిందంటున్నారు చాలామంది నెటిజన్లు.
ఒకప్పుడు బొద్దుగా ఉండేది కీర్తిసురేష్. నేనులోకల్, నేనుశైలజ సినిమాల్లో కీర్తిసురేష్ కాస్త లావుగానే కనిపించింది. అంతెందుకు మహానటిలో కూడా ఆమె పర్సనాలిటీ కాస్త హెవీనే. ఆ తర్వాతే పూర్తిగా మేకోవర్ లోకి వచ్చింది ఈ ముద్దుగుమ్మ. ఊహించని విధంగా బరువు తగ్గి స్లిమ్ గా మారిపోయింది. ఆమె స్లిమ్ ఫిజిక్ పై అప్పట్లో నెగెటివ్ కామెంట్స్ కూడా పడ్డాయి. బొద్దుగా ఉన్నప్పుడే బాగుందని, స్లిమ్ ఫిజిక్ లో బాగాలేదన్నారు చాలామంది.
కానీ ఇప్పుడు కీర్తిసురేష్ సన్నజాజి పర్సనాలిటీకి అంతా అలవాటుపడ్డారు. ఇప్పుడిప్పుడే ఆమె స్లిమ్ ఫిజిక్ ను చూస్తున్నారు. రంగ్ దే సినిమాలో కీర్తిసురేష్ లుక్స్ కు మంచి పేరొచ్చింది. అదింకా ఆడియన్స్ లో రిజిస్టర్ కాకముందే, ఇప్పుడు అల్ట్రా మోడ్రన్ ఇమేజ్ కోసం ప్రయత్నిస్తూ.. ఇలా బికినీలోకి కీర్తి మారబోతోందనేది హాట్ టాపిక్ గా మారింది.
మహానటి లాంటి నేషనల్ అవార్డ్ సినిమాలో నటించిన కీర్తిసురేష్ ను బికినీలో ప్రేక్షకులు ఆమోదిస్తారా అనేది ఇప్పుడు అతిపెద్ద చర్చనీయాంశమైంది. అసలు సర్కారువారి పాట సినిమాలో నిజంగానే కీర్తిసురేష్ బికినీ వేయబోతోందా అనే ఎంక్వయిరీలు కూడా మొదలయ్యాయి. త్వరలోనే ఈ ప్రశ్నలకు సమాధానం దొరకబోతోంది. అప్పటివరకు కీర్తి-బికినీ అనే ఎలిమెంట్ హాట్ టాపిక్కే. త్వరలోనే సర్కారువారి పాట కొత్త షెడ్యూల్ మొదలవుతుంది. ఫారిన్ షెడ్యూల్ ప్లాన్ చేస్తున్నారు. యూనిట్ అంతా కలిసి పారిస్ వెళ్లే ఆలోచనలో ఉంది
Must Read ;- మోహన్ లాల్ టు రజినీకాంత్.. అంతా బీరకాయ పీచే
