శర్వా పుట్టిన రోజున ‘మహాసముద్రం’ లుక్ కు శ్రీకారం

హీరో శర్వానంద్ పుట్టిన రోజు సందర్భంగా ఆయన సినిమాలకు సంబంధించిన అప్ డేట్స్ అన్నీ వరుసగా వచ్చేశాయి. శర్వాకు ఇది 37వ పుట్టిన రోజు. నిన్ననే ‘శ్రీకారం’ ట్రైలర్ ను విడుదల చేసిన సంగతి తెలిసిందే. ఈ నెల 11న ఈ సినిమా విడుదలకాబోతోంది. ఈ సినిమా తర్వాత ‘మహాసముద్రం’ మూవీ విడుదలవుతుంది. ఆయన పుట్టిన రోజు సందర్భంగా ఈ సినిమాలో శర్వానంద్ లుక్ ను కూడా విడుదల చేశారు. చేత్తో ఓ ఇనుప ఆయుధం పట్టుకుని కోపంగా చూసే లుక్ ఇది. ఇది మల్టీస్టారర్ మూవీ. ఇందులో మరో హీరోగా సిద్దార్డ్ నటిస్తున్నాడు.

అతనికి చాలా గ్యాప్ వచ్చింది. చాలాకాలం తర్వాత శర్వానంద్ తో కనిపించబోతున్నాడు. ఆర్. ఎక్స్. 100 దర్శకుడు అజయ్ భూపతి రూపొందిస్తున్న ఈ సినిమా ఆగస్టు 19న విడుదలవుతుంది. రొమాంటిక్ లవ్, యాక్షన్ డ్రామాగా ఇది తెరకెక్కుతోంది. ఇందులో ఇద్దరు హీరోయిన్లు ఉంటారు. ఒకరు అదితీరావు హైదరీ, ఇంకొకరు అనుఇమ్మాన్యుయేల్. ఏకే ఎంటర్ టైన్ మెంట్స్ పతాకంపై అనిల్ సుంకర ఈ చిత్రాన్ని నిర్మిస్తున్నారు. కిషోర్ తిరుమల దర్శకత్వంలో కూడా శర్వానంద్ ఓ సినిమా చేస్తున్నాడు. అతని పుట్టిన రోజు సందర్భంగా ఈ సినిమా టైటిల్ ను కూడా ప్రకటించారు. దీనికి ఆడవాళ్లు మీకు జోహార్లు అనే టైటిల్ పెట్టారు.

ఈ టైటిల్ ఇదే మొదటి సారి కాదు. ఇలాంటి టైటిల్ గతంలో చాలా కాలం క్రితమే ఒకసారి వచ్చింది. సాధారణంగా శర్వా సినిమాల టైటిల్స్ కథ పరంగానే ఉంటుంటాయి. రాబోయే శ్రీకారం, మహాసముద్రంగానీ, గతంలో వచ్చిన గమ్యం, ప్రస్థానం లాంటి ఏ సినిమా చూసినా కాన్సెప్ట్ ఓరియంటెడ్ టైటిల్సే అతని సినిమాలకు ఉంటుంటాయి. శ్రీలక్ష్మీ వేంకటేశ్వర సినిమాస్ పతాకంపై రూపొందే ఆడవాళ్లు మీకు జోహార్లు చిత్రం షూటింగ్ త్వరలోనే ప్రారంభం కాబోతోంది. ఇందులో హీరోయిన్ గా రష్మిక పేరు వినిపిస్తోంది.

Must Read ;- ట్రైలర్ టాక్: వ్యవసాయ రంగంలో మేలుజాతి కుర్రోడి కథ ‘శ్రీకారం’