సినీ ఇండస్ట్రీలో అవకాశాల పేరుతో మహిళలను లైంగికంగా వాడుకుంటున్నారంటూ ఎంతోమంది హీరోయిన్స్ ఓపెన్గా చెప్పేశారు. దీనిపై క్యాస్టింగ్ కౌచ్, మీటూ లాంటి ఉద్యమాలు కూడా తీసుకొచ్చి పలువురు హీరోయిన్లు తమకు జరిగిన అన్యాయాలను బయటపెట్టారు. అయితే లైంగిక దాడుల విషయమై కొందరు నటీమణులు ఆధారాలు లేని కామెంట్స్ చేయడంతో ఇదో పబ్లిసిటీ స్టంట్ అనే విమర్శలు కూడా ప్రారంభమయ్యాయి. ఈ క్రమంలో ఇండస్ట్రీలో లైంగిక వేధింపులపై హాట్ హీరోయిన్ సీరత్ కపూర్ స్పందిస్తూ నటీమణులకే చురకలంటించింది.
క్యాస్టింగ్ కౌచ్ అనేది ఒక్క సినీ ఇండస్ట్రీలోనే కాదు ప్రతిచోట ఉందని అంటోంది సీరత్ కపూర్. కాకపోతే సెలబ్రెటీలకు ఉన్న పాపులారిటీ కారణంగా సినిమా ఇండస్ట్రీలోనే క్యాస్టింగ్ కౌచ్ అనేది ఫోకస్ అవుతూ ఉంటుందంటూ తనదైన కోణంలో వివరణ ఇచ్చింది. తమపై లైంగిక దాడి జరిగిందని ఊరికే ఆరోపణలు చేస్తే లాభం లేదని, సందర్భం ఏదైనా క్యాస్టింగ్ కౌచ్ ఎదురైనప్పుడు ఆ అనుభవం ద్వారా మనం నేర్చుకున్నదేంటి? అనేదే ముఖ్యమని చెబుతూ లాజిక్స్ మాట్లాడింది సీరత్. అలాంటి పరిస్థితులలో మనం ఏ విధంగా బయటపడాలనే విషయం బయటకు చెబితే జనాలకు ఎంతో కొంత జాగ్రత్తలు చెప్పినవాళ్ళం అవుతాం కానీ ఆరోపణలు చేయడం వేస్ట్ అంటూ కాస్త కొత్తగా ట్రై చేసింది ఈ ముద్దుగుమ్మ. దీంతో సీరత్ వ్యాఖ్యలను సమర్థిస్తున్నారు కొందరు నెటిజన్లు.
ఇప్పటిదాకా క్యాస్టింగ్ కౌచ్ ఆరోపణలు చేసిన వారికి పెద్దగా ఒరిగిందేమీ లేదని, మరోవైపు క్యాస్టింగ్ కౌచ్కి వ్యతిరేకంగా యుద్ధం చేసిన శ్రీ రెడ్డి లాంటి ఫైరింగ్ బ్యూటీలే పెట్టె సర్దుకున్నారు తప్ప చేసిందేమీ లేదని అంటున్నారు. దీంతో ఈ ఇష్యూపై కొత్త కోణంలో చర్చలు స్టార్ట్ అయ్యాయి. మరి సీరత్ వ్యాఖ్యలపై లైంగిక వేధింపులకు గురైన నటీమణులు ఎలా రియాక్ట్ అవుతారనేది చూడాలి మరి. అన్నట్టు సీరత్ కపూర్ మన తెలుగు భాషలో పలు సినిమాలు నటించింది. అందులో రవితేజతో నటించిన టచ్ చేసి చూడు, శర్వానంద్ తో నటించిన రన్ రాజా రన్ తో మంచి గుర్తింపు తెచ్చుకుంది సీరత్ కపూర్.
