సోనూ సూద్ ను మన జనం ఇక విలన్ గా చూడగలరా? ఈ సందేహం చాలామందికి ఉంది. అందుకేనేమో ఆయన బోయపాటిని ఎంచుకున్నట్టున్నాడు. విలన్ ని ఎంత కర్కశంగా చూపవచ్చో బోయపాటికి బాగా తెలుసు. ఈ సినిమా విలన్ కాస్తా దానకర్ణుడిగా మారాక మళ్లీ సినిమాల్లో పాత్రలు పోషించాలంటే చాలా కసరత్తులే చేయాలి మరి. అయినా మన హీరోలకు సోనూ మీద కోపం లేదు తను హీరో అయిపోయాడని. అతనికి మంచి అవకాశాలు ఇస్తూ ప్రోత్సహిస్తున్నారు. దర్శకులకు కూడా సోనూ మంచి ఛాయిస్ గా మారాడు. డబ్బును అలా మంచి పనులకు ఖర్చుచేస్తున్న సోనూకు ఇది వరంగా మారందనే చెప్పాలి.
ఇక బోయపాటి విషయానికి వస్తే బాలకృష్ణ హీరోగా ఆయన ఓ సినిమాని తెరకెక్కిస్తున్న సంగతి తెలిసిందే. ఇందులో విలన్ గా సోనూని ఎంపిక చేసినట్టు ఫిలింనగర్ సమాచారం. కరోనా సెలవుల్లో నుంచి బయటపడి ఈ సినిమా త్వరలోనే సెట్స్ మీదకు వెళ్లబోతోంది. సోనూ కూడా చకచకా షూటింగుల్లో పాల్గొంటున్నాడు. కరోనా అంత తీవ్రంగా ఉన్నసమయంలో కూడా బయట తిరిగిన అతను ఇంట్లో విశ్రాంతి తీసుకున్నట్లుగా కూడా ఏమీ కనిపించడం లేదు. ప్రస్తుతం బెల్లంకొండ శ్రీనివాస్ హీరోగా రూపొందుతున్న ‘అల్లుడు అదుర్స్’ లో సోనూసూద్ నటిస్తున్నాడు. ఈ షూటింగు కోసం ఆయన రామోజీ ఫిలిం సిటీకి వచ్చాడు.
