తెలంగాణ అసెంబ్లీ ఎన్నికల పర్వం ముగిసింది. ఫలితాలు వెలువడటానికి ఇంకా మూడు రోజులు మిగిలి ఉంది. ఇప్పుడంతా ఎగ్జిట్ పోల్స్ హడావుడి. ఈసారి ఎగ్జిట్ పోల్స్ 2018 కంటే భిన్నంగా వచ్చాయి. దాదాపు అన్నీ సర్వే ఫలితాలు కాంగ్రెస్ వైపే మొగ్గు చూపిస్తున్నాయి. దాంతో కాంగ్రెస్ నేతల్లో ఆశలు మరింత పెరిగాయి. బీఆర్ఎస్ నేతలు మాత్రం మేకపోతు గాంభీర్యాన్ని ప్రదర్శిస్తున్నాయి. అయితే ఎగ్జిట్ ఫలితాలు చూసి సంబర పడాల్సిన పనిలేదు. కానీ ఎక్కువ శాతం ఎగ్జిట్ ఫలితాలు నిజమైన సందర్భాలే ఎక్కువ. అంతెందుకు 2018 ఎన్నికల్లో దాదాపు అన్ని ఎగ్జిట్ పోల్స్ టీఆరెస్ వైపే మొగ్గు చూపాయి. కానీ వాటి అంచనాలకు మించి టీఆరెస్ ఎక్కువ సీట్లు దక్కించుకోవడం విశేషం. అలా చూసినప్పుడు ఈసారి కాంగ్రెస్ కు 70 నుంచి 80 సీట్ల మధ్యలో దక్కే అవకాశం కనిపిస్తోంది.
2018 ఎగ్జిట్ పోల్స్
* టైమ్స్ నౌ, సీఎన్ఎక్స్: టీఆర్ఎస్ 66 స్థానాలు. మహాకూటమికి 37, బీజేపీకి 7, ఎంఐఎంతో పాటు ఇతరులు 9.
* న్యూస్-18: టీఆర్ఎస్ 50-65 సీట్లు, మహాకూటమి 38-52, బీజేపీ 4-7, ఇతరులు 8-14 స్థానాలు.
* ఇండియా టుడే ఎగ్జిట్ పోల్స్: టీఆర్‌ఎస్‌కు 79-91, మహాకూటమికి 21-33, బీజేపీకి 1-3, ఇతరులు 7 స్థానాలు.
* రిపబ్లిక్‌ జన్‌కీ బాత్: టీఆర్‌ఎస్‌కు 52 నుంచి 65 స్థానాలు, కాంగ్రెస్, టీడీపీ కూటమికి 38 నుంచి 52, బీజేపీ 4 నుంచి 7 స్థానాలు, ఇతరులకు 8 నుంచి 14 స్థానాలు.
* ఆంధ్రా ఆక్టోపస్ లగడపాటి మాత్రమే రివర్స్ సర్వే చెప్పారు. ఆయన ప్రకారం టీఆర్ఎస్ 35 స్థానాలు, మహాకూటమికి 65 సీట్లు, పది సీట్లు అటు ఇటు కావొచ్చని అంచనా వేశారు.
వాస్తవ ఫలితం: టీఆర్ఎస్ 88, మహాకూటమి 19, ఎంఐఎం 7, తెలుగు దేశం 2, భాజపా 1, ఆలిండియా ఫార్వర్డ్ బ్లాక్ 1, స్వతంత్రులు 1.
2023 ఎగ్జిట్ పోల్స్
ఆరా (ప్రిపోల్): బీఆర్ఎస్ 41-49 , కాంగ్రెస్ 58-67, భాజపా 5-7, ఇతరులు 9.
జన్ కీ బాత్ : బీఆర్ఎస్ 40-55, కాంగ్రెస్ 48-64, భాజపా 7-13, ఇతరులు 4-7.
పీపుల్స్ పల్స్ : బీఆర్ఎస్ 35-46, కాంగ్రెస్ 62-72, భాజపా 3-8, ఇతరులు 7-9.
పోల్ స్ట్రాట్ : బీఆర్ఎస్ 48-58, కాంగ్రెస్ 49-59, భాజపా 5-10, ఇతరులు 6-8
సీఎన్ఎక్స్: బీఆర్ఎస్ 31-47, కాంగ్రెస్ 63-79, భాజపా 2-4, 5-7.
చాణక్య స్ట్రాటజీస్: 22-31, కాంగ్రెస్ 67-78, భాజపా 6-9, ఇతరులు 6-7.
వాస్తవం ఎలా ఉండొచ్చు?
2018లో ఎగ్జిట్ పోల్స్ కన్నా ఎక్కువ సీట్లు వచ్చాయి కాబట్టి ఈసారి 70 నుంచి 80 సీట్ల మధ్యలో కాంగ్రెస్ సీట్లు రాబట్టవచ్చు. లేనిపక్షంలో హంగ్ రావడానికి అవకాశాలు ఎక్కువ.
