ఈమధ్య కాలంలో తమిళ్ హీరో కార్తీ వరస విజయాలతో దూసుకుపోతున్నాడు. కార్తీ ప్రస్తుతం హీరో’గా ‘సుల్తాన్’ సినిమాలో నటిస్తున్నాడు. భాగ్యరాజ్ కణ్ణన్ దర్శకత్వం వహిస్తున్న ఈ సినిమాలో రష్మిక హీరోయిన్గా నటిస్తోంది. రష్మిక తమిళంలో చేస్తున్న మొదటి సినిమా సుల్తాన్ కావడం విశేషం. ఈ సినిమాకు పొటెన్షియల్ స్టూడియోస్ ఆద్వర్యంలో ఎస్ఆర్ ప్రభు నిర్మాతగా వ్యవహరిస్తున్నారు. సుల్తాన్ సినిమాకు సంబంధించిన ఫస్ట్ లుక్ చిత్ర బృందం రిలీజ్ చేసింది.
ఫస్ట్ లుక్ లో కార్తీ కొరడా పట్టుకొని పక్కా మాస్ గా కనిపిస్తున్నాడు. ఈ చిత్రం పక్కా యాక్షన్ మూవీగా తెరకెక్కుతోంది. ఇందులో కార్తీ పాత్ర సరికొత్తగా ఉంటుందని ఆయన అంటున్నారు. అంతేకాకుండా ఈ సినిమాలో హీరోతో పాటుగా హీరోయిన్ కు కూడా యాక్టింగ్ కు మంచి స్కోప్ ఉంటుందని అందుకనే రష్మికను తీసుకున్నామని దర్శకుడు భాగ్యరాజ్ తెలిపాడు. వరుస సినిమాలు విజయం అవ్వడంతో ‘సుల్తాన్’ సినిమాపై కూడా కార్తీ అభిమానులలో భారీ ఆశలు పెట్టుకున్నారు. సుల్తాన్ సినిమా అభిమానుల అంచనాలకు ఏమాత్రం తగ్గకుండా ఉంటుందని చిత్ర యూనిట్ తెలిపింది.
ఈ సినిమాతో కార్తీ ఖాతాలో మరో హిట్ ఖాయమని వారు తెలిపారు. కార్తీ సినిమా అంటే మాస్ ఆడియన్స్ తో పాటు ఫ్యామిలి ఆడియన్స్ కూడా చూస్తారు. ఈ సినిమా కుటుంబ సమేతంగా చూడచ్చని చిత్ర బృందం తెలిపింది. ఈ సినిమాను వచ్చే ఏడాది సమ్మర్ సెలవుల్లో రిలీజ్ చేయాలని దర్శకనిర్మాతలు భావిస్తున్నారు. కొన్ని ఓటీటీ సంస్థలు మమ్మల్ని ఇప్పటికే సంప్రదించాయని అయితే తమకు ఓటీటీలో రిలీజ్ చేయడం ఇష్టం లేదని సినిమా థియాటర్స్ తెరుచుకోవడంతో డైరెక్ట్ గా థియాటర్స్ లోనే రిలీజ్ చేస్తామని నిర్మాతలు తెలిపారు. ఈ సుల్తాన్ సినిమా కూడా సూపర్ హిట్ అయ్యి హీరో కార్తీ రేంజ్ పెంచుతుందో లేదో చూడాలి మరి.
