ఫోర్బ్స్, ప్రపంచంలో అత్యంత ప్రతిష్ఠాత్మకమైన అవార్డుల్లో ఒకటి. అందులో స్ధానం దక్కడం ఒక గౌరవ సూచకంగా భావిస్తుంటారు. అటువంటి ఫోర్బ్స్ జాబితాలో తెలంగాణ వాసికి స్ధానం దక్కింది. అలాగని అతనేం తలపండిన వారనుకునేరు, కేవలం 25 సంవత్సరాల యువకుడు. అందునా తెలంగాణలోని నల్గొండకు చెందిన వ్యక్తి కావడం విశేషం. మరి ఇంతకీ సందీప్ సాధించిన ఘనత ఏమిటి? ఎందుకు అతనికి ఇంతటి ప్రాధాన్యం లభించిందో తెలియాలంటే సందీప్ కథ తెలుసుకోవాల్సిందే.
ఆరోగ్య సంరక్షణలో విశేష సేవలు
Honored to be on the @ForbesUnder30 list in Healthcare! Incredibly grateful to my cofounder @ShivdevRao and the phenomenal team at @AbridgeHQ 🙏https://t.co/SAZoL0aGI0 pic.twitter.com/jbem4WHOxa
— Sandeep Konam (@sandeepkonam) December 1, 2020
పోర్బ్స్ ’30 అండర్ 30’ జాబితాను ఈ నెల 1వ తేదీన అమెరికాలో విడుదల చేసింది. ఫోర్బ్స్ ఈ లిస్ట్ ను ఆరోగ్య సంరక్షణ విభాగంలో విశేష సేవలు అందించిన 30 ఏళ్ల లోపు యువకులతో తయారుచేసింది. అందులో సందీప్ కు కూడా స్ధానం దక్కింది. కృత్రిమ మేధ ఆధారంగా పనిచేసే ఒక మొబైల్ యాప్ ని తయారుచేసినందుకు సందీప్ కు ఈ స్థానం దక్కింది. ఇలా ఎందురో యాప్ లు రూపొందించిన వారు ఉన్నారు. మరి సందీప్ తయారుచేసిన దానిలో అంత ప్రత్యేకత ఏముంది?
ప్రపంచవ్యాప్తంగా డాక్టర్స్ తో ఆన్ లైన్ ద్వారా సంప్రదిస్తున్న వారి సంఖ్య ఈ మధ్య కాలంలో గణనీయంగా పెరిగింది. కానీ, చాలామందికి డాక్టర్స్ చెప్పే విషయాలు అర్ధం కాక ఇబ్బందిపడుతున్నారు. ఇక్కడ ఇంగ్లీష్ వస్తే సరిపోదు, యాస కూడా ముఖ్యమే. కొందరికి మాతృభాష తప్ప వేరేది రాదు. ఇలాంటి సమయాల్లో సందీప్ రూపొందించిన యాప్ మీకు పనికొస్తుంది. దేశ విదేశాల్లో ఉన్న డాక్లర్స్ చెప్పే సూచనల్ని, సలహాలను, రోగికి అర్థమయ్యే విధంగా మాతృభాషలోకి తర్జుమా చేసి అందిస్తుంది ఈ యాప్. దీని ద్వారా డాక్టర్, రోగి మధ్య సంభాషణ సమస్య తలెత్తదు. దీనికి గాను సందీప్ ఫోర్బ్స్ జాబితాలో చోటు దక్కించుకున్నారు.
చదివింది ఇడుపులపాయ… అమెరికాలో అత్యున్నత స్థానం
ఇడుపులపాయ ఆర్ జీ యుకేటీ కాలేజ్ లో ఇంజనీరింగ్ పూర్తిచేసిన సందీప్, అమెరికాలో కార్నెగీ మెలన్ విశ్వ విద్యాలయంలో రొబోటిక్స్ లో ఎంఎస్ పూర్తిచేశారు. ఆపై 2018 లో అమెరికాలోని పిట్స్ బర్గ్ లో ‘అబ్రిడ్జ్’ పేరుతో ఒక సంస్థను స్థాపించి వైద్యరంగంలో ఎదురవుతున్న సమస్యల పరిష్కారం దిశగా పరిశోధనలు చేయడం మొదలుపెట్టారు. అలా వైద్యరంగంలోని సవాళ్లను ఎదుర్కోవడానికి ఎన్నో అప్లికేషన్లను రూపొందించారు. పాతబస్తీ లోని పిల్లలకు చదువు నేర్పే విధంగా ‘వర్చువల్ స్టడీ’ యాప్ ని కూడా రూపకల్పన చేశారు. డాక్టర్స్ కి, రోగులకు మధ్య వస్తున్న భాషాపరమైన సమస్యను తొలగించడానికి వీలుగా తయారుచేసిన ఈ అప్లికేషన్ సందీప్ ను ఫోర్బ్స్ యువకుల జాబితాలో నిలబెట్టింది.
Must Read ;- జీనోమ్ వ్యాలీ.. బాబు ఆలోచన విలువ రూ.6 లక్షల కోట్లు
కేటీఆర్ అభినందనలు
Congratulations Sandeep Konam and @AbridgeAI 👏 https://t.co/gTaVfSR9rc
— KTR (@KTRTRS) December 3, 2020
తెలంగాణ మంత్రి కేటీఆర్ ట్విట్టర్ ద్వారా ఈ తెలంగాణ వాసికి అభినందనలు తెలియజేశారు. ఫోర్బ్స్ జాబితాలో స్ధానం దక్కినందుకు ఆనందంగా ఉందని. ఈ విజయం తనొక్కడిది కాదని, నాకు సహకరించిన ‘అబ్రిడ్జ్’ లోని వ్యక్తులందరికీ చెందుతుందని చెప్పుకొచ్చారు సందీప్. వైద్యరంగంలో ఇప్పటికీ ఎన్నో సవాళ్లు ఎదురవుతూనే ఉన్నాయి. వాటికి అధునాతన మేధో సంపత్తితో సమాధానం అందిస్తున్న సందీప్ ని ఈనాటి యువకులెందరికో ఆదర్శంగా నిలిచాడు. వినూత్నంగా ఆలోచిస్తే అనతి కాలంలోనే అందలాన్ని అందుకోవచ్చనే దానికి సందీప్ ఓ మంచి ఉదాహరణ అని చెప్పచ్చు.
Also Read ;- ప్రాణాల మీదకు తెచ్చిన ప్రేమ.. నిరాకరించిందని యువతి గొంతు కోసిన ప్రియుడు