బుల్లి తెరపై ప్రసారమవుతున్న బిగ్ బాస్ 4కు ఎటువంటి క్రేజ్ ఉందో ప్రత్యేకంగా చెప్పనవసరం లేదు. కింగ్ అక్కినేని నాగార్జున హోస్ట్ చేస్తున్న బిగ్ బాస్ 4 టీఆర్పీ పరంగా దూసుకుపోతుంది. ప్రతీవారం ఏదొక సప్రైజ్ తో మన ముందుకు వచ్చే ఈ షో ఈవారం కూడా ప్రేక్షకులకు మంచి సప్రైజ్ ఒకటి ప్లాన్ చేసింది. ఈవారం బిగ్ బాస్ హౌస్ లోకి యువ సామ్రాట్ అక్కినేని నాగ చైతన్య అతిధిగా రానున్నారట. ఈ దీపావళికి బిగ్ బాస్ ఎపిసోడ్ సందడిగా మారనున్నదని తెలుస్తోంది.
ఇప్పటికే చాలా ఎపిసోడ్స్ లో అనేకమంది సెలబ్రెటీలు ప్రవేశించిన విషయం మనకు తెలిసిందే. అసలు ఈ దీపావళి ఎపిసోడ్ కి నాగార్జున హోస్ట్ చేస్తారా, చేయరా అనే డైలమాలో అందరూ పడిపోయారు. కాని ఆయనకు కరోనా టెస్ట్ లో నెగిటివ్ రావడంతో నాగర్జున దీపావళి ఎపిసోడ్ కు వస్తారని కన్ఫర్మ్ అయింది. నాగార్జునతో పాటుగా నాగచైతన్య కూడా బిగ్ బాస్ కు వస్తే ఈ ఎపిసోడ్ టీఆర్పీ రేటింగ్స్ రికార్డు స్థాయిలో వస్తాయని అంచనా వేస్తున్నారు బిగ్ బాస్ నిర్వాహకులు. (AlsoRead;- బిగ్ బాస్ 4లో నాగ్ తో ఇక పంచ్ లే ‘సుమా’
నాగార్జున సినిమా షూటింగ్ లో బిజీగా ఉండడంతో సమంత ఒక ఎపిసోడ్ కు వ్యాఖ్యాతగా వ్యవహరించిన విషయం మనకు తెలిసిందే. ఆ ఎపిసోడ్ కు టీఆర్పీ రేటింగ్స్ భారీ స్థాయిలో నమోదయ్యాయి. ఇక బిగ్ బాస్ విషయానికి వస్తే బిగ్ బాస్ 4 మొదట్లో కొంచెం చప్పగా సాగిన మాట వాస్తవమే. టీఆర్పీ రేటింగ్స్ కూడా ఆశించిన స్థాయిలో రాలేదు. కాని నెమ్మది నెమ్మదిగా ఈ సీజన్ పుంజుకుంది అనడంలో సందేహం లేదు. టీఆర్పీ రేటింగ్స్ కూడా బాగా పెరిగాయి. దీనితో బిగ్ బాస్ నిర్వాహకులు ఊపిరి పీల్చుకున్నారు.
ఇందులో నాగార్జున కృషి కూడా చాలానే ఉందని చెప్పాలి. ఈ షో నిలబడడానికి ముఖ్య కారణం ఆయనే. నాగార్జునను చూడడానికే ఆయన అభిమానులు బిగ్ బాస్ చూస్తున్నారు అనడంలో అతిశేయోక్తి లేదు. మొత్తం మీద బిగ్ బాస్ షోను సక్సెస్ చేయడం కోసం ప్రేక్షకులకు అక్కినేని ఫ్యామిలీ సెలబ్రిటీలు వరుస సప్రైజెస్ ఇస్తున్నారు. ఇక నాగచైతన్య హాజరవుతున్న ఎపిసోడ్ కు రేటింగ్స్ ఏ స్థాయిలో వస్తాయో చూడాలి మరి.
AlsoRead;- బిగ్ బాస్-4: మూడవ వారం డేంజర్ జోన్ లో ఆ కంటెస్టెంట్!!
