టాలీవుడ్ లో స్టార్ కమెడియన్ గా ఎనలేని గుర్తింపు తెచ్చుకున్న సునీల్ .. ఆ తర్వాత హీరోగా మారాడు. కానీ అది మూణ్ణాళ్ళ ముచ్చటే అయింది. హీరో గా మారిన తొలినాళ్ళలో మాత్రమే కొన్ని హిట్స్ అందుకున్న అతడు.. ఆ తర్వాత హీరోగా రాణించ లేకపోయాడు. దాంతో విలన్ గానూ, కొన్ని ప్రత్యేకపాత్రల్లోనూ కనిపిస్తూ.. మళ్ళీ ఫామ్ లోకి వచ్చే ప్రయత్నం చేస్తున్నాడు. అయినా.. సరే.. అతడింకా హీరో వ్యామోహం పోలేదు.
ప్రస్తుతం ‘వేదాంతం రాఘవయ్య’ అనే సినిమాలో మళ్ళీ హీరో అవతారమెత్తనున్న సునీల్ అదే చేత్తో .. ‘కనబడుటలేదు’ అనే థ్రిల్లర్ మూవీలో హీరోలాంటి పాత్ర పోషిస్తున్నాడు. అందులో డిటెక్టివ్ రామకృష్ణ గా డిఫరెంట్ రోల్ లో సరికొత్తగా ఎలివేట్ అయ్యేందుకు రెడీ అవుతున్నాడు. దీంతో పాటు ఇప్పుడు ‘మర్యాద క్రిష్ణయ్య’ అనే మరో మూవీకి గ్రీన్ సిగ్నల్ ఇచ్చాడు. ఒకప్పుడు టాలీవుడ్ లో స్టార్ డైరెక్టర్ గా చక్రం తిప్పిన వి.యన్.ఆదిత్య ఈ సినిమాకి దర్శకుడు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా ఈ సినిమాను నిర్మిస్తున్నాయి.
గతంలో రాజమౌళి దర్శకత్వంలో ‘మర్యాద రామన్న’ అనే బ్లాక్ బస్టర్ మూవీతో హీరోగా మంచి పేరు తెచ్చుకున్న సునీల్ .. ఇప్పుడు ‘మర్యాద క్రిష్ణయ్య’గా రానుండడం విశేషాన్ని సంతరించుకుంది. ఈ సినిమాకి సంబంధించిన ఫస్ట్ లుక్ పోస్టర్ ను సునీల్ పుట్టిన రోజు సందర్భంగా సోషల్ మీడియాలో విడుదల చేశారు మేకర్స్. గోడచాటున నక్కి భయంగా చూస్తూ సునీల్ రివీల్ అయిన ఈ పోస్టర్ సోషల్ మీడియాలో వైరల్ అయింది. మరి మర్యాద రామన్న చిత్రంలో లాగానే ‘మర్యాద క్రిష్ణయ్య’లో కూడా సునీల్ పిరికి వాడేమో తెలియదు కానీ.. పోస్టర్ చూస్తుంటే.. ఈ సినిమా కూడా అలాంటి బ్యాక్ డ్రాప్ లో రూపొందే సినిమా అని అర్ధమవుతోంది. మరి సునీల్ కి మర్యాద క్రిష్ణయ్య మూవీ ఏ మేరకు వర్కవుట్ అవుతుందో చూడాలి.
Happy birthday @Mee_Sunil garu, stay blessed and happy pic.twitter.com/3ZRjSvndUg
— Vivek Kuchibhotla (@vivekkuchibotla) February 28, 2021