బాలీవుడ్ వెటరన్ రైటర్ జావేద్ అఖ్తర్ తనయుడు, దర్శకుడు, హీరో అయిన ఫరాన్ అఖ్తర్ తాజా చిత్రం ‘తూఫాన్’. బాక్సింగ్ నేపథ్యంలో భావోద్వేగ భరితమైన కథ తో తెరకెక్కిన ఈ సినిమాకి రాకేశ్ ఓం ప్రకాశ్ మెహ్రా దర్శకుడు. గతంలో ఫరాన్ తో ‘భాగ్ మిల్కా భాగ్’ అనే ఫ్లైయింగ్ సిక్ .. మిల్కాసింగ్ బయోపిక్ రూపొందించారు. ఆ సినిమా సూపర్ హిట్ అయిన నేపథ్యంలో ఇప్పుడు ‘తూఫాన్’ మూవీపై భారీ అంచనాలు నెలకొన్నాయి. కరోనా కారణంగా వాయిదా పడుతూ వచ్చిన తూఫాన్ చిత్రాన్ని డైరెక్ట్ గా అమెజాన్ ప్రైమ్ లో మే 21న స్ట్రీమింగ్ చేయబోతున్నారు. నేడు ఈ సినిమా ట్రైలర్ ను విడుదల చేశారు మేకర్స్.
కొద్ది సేపటి క్రితం తూఫాన్ ట్రైలర్ ను వీక్షించిన సూపర్ స్టార్ మహేశ్ బాబు ప్రశంసల జల్లు కురిపించారు. తన అఫీషియల్ ట్విట్టర్ హ్యాండిల్ ద్వారా స్పందిస్తూ.. తూఫాన్ టీజర్ టెర్రిఫిక్ గా ఉందని, ఫరాన్ అఖ్తర్ ట్రాన్ఫార్మేషన్ నిజంగా అనితర సాధ్యమని.. ఆ పాత్ర కోసం అతడు తనను తాను మలుచుకున్న తీరు అద్భుతమని ఆకాశానికెత్తేశారు. అలాగే.. ఈ సినిమాను ఎప్పుడు చూద్దామా అనే ఆత్రుతతో ఉన్నానని చెప్పారు. మరి తూఫాన్ చిత్రం ఫరాన్ అఖ్తర్ కి ఏ రేంజ్ లో పేరు తెచ్చిపెడతుందో చూడాలి.
Must Read : మహేశ్ బాబు జోడీగా ‘గ్యాంగ్ లీడర్’ పిల్ల ?
#Toofan teaser… terrific!! @FarOutAkhtar has aced it yet again… What an unbelievable transformation! Can’t wait to watch this one! https://t.co/yarPwNRrK5
— Mahesh Babu (@urstrulyMahesh) March 12, 2021
