స్వాతంత్ర్య దినోత్సవం సందర్భంగా శనివారం ఈ ఫిల్మ్ ఫస్ట్ లుక్ పోస్టర్ను హీరోలు గోపీచంద్, నిఖిల్, రచయిత-నిర్మాత కోన వెంకట్, డైరెక్టర్ బాబీ ఆవిష్కరించారు. ఫస్ట్ లుక్ పోస్టర్ వివిధ భావోద్వేగాలు ప్రదర్శిస్తున్న హీరోతో ఉత్తేజభరితంగా కనిపిస్తోంది. “ఎ లోన్ ఫైట్ ఫర్ లవ్” (A Lone Fight For Love) అనేది ట్యాగ్లైన్.
రెండు మూడు రోజుల ప్యాచ్ వర్క్ మినహా షూటింగ్ మొత్తం పూర్తయింది. గుంటూరు, రాజమండ్రి, వైజాగ్, అరకు వంటి లొకేషన్లలో 42 రోజుల పాటు సింగిల్ షెడ్యూల్లో చిత్రీకరణ జరిపారు. ‘విద్యార్థి’ చిత్రంలో 5 పాటలు, 6 ఫైట్లతో పాటు భారీ స్థాయిలో చిత్రీకరించిన కబడ్డీ ఎపిసోడ్ ఉన్నాయి. మహాస్ క్రియేషన్స్ బ్యానర్పై రాజేటి రామకృష్ణ, వంశీ తాడికొండ భాగస్తులుగా ఆళ్ల వెంకట్ (ఏవీ) ఈ చిత్రాన్ని నిర్మిస్తున్నారు.
మధు మాదాసు దర్శకత్వం వహిస్తోన్న ఈ చిత్రానికి సంబంధించిన పోస్ట్ ప్రొడక్షన్ పనులు శరవేగంగా జరుగుతున్నాయి. దసరా పర్వదినం సందర్భంగా ‘విద్యార్థి’ని రిలీజ్ చేయడానికి సన్నాహాలు జరుగుతున్నాయి.
రవితేజ ద్విపాత్రాభినయంతో ‘ఖిలాడి’
రవితేజ సరసన మీనాక్షి చౌధరి, డింపుల్ హయతి నాయకలుగా నటిస్తున్నారు. రమేష్ వర్మ...